କ୍ୟାରିୟରର ଶେଷ ମ୍ୟାଚ୍ ଖେଳି କାନ୍ଦିଲେ ରୋଜର୍ ,ଟେନିସ୍ କୋର୍ଟରେ ଆଉ ମିଳିବନି ଦେଖା
କ୍ୟାରିୟରର ଶେଷ ମ୍ୟାଚ୍ ଖେଳିଲେ ରୋଜର ଫେଡେରର
ଜଣେ ମହାନ କେତେବେଳେ ହୁଏ ? ତାର ମହାନତାର ନିଦର୍ଶନ ସେ ନିଜେ ନୁହେଁ ବରଂ ସାରା ଦୁନିଆ ଯେତେବେଳେ ଦେଖିବାକୁ ପାଏ । ଦୁନିଆରେ ପ୍ରତି କ୍ଷେତ୍ରରେ ଅନେକ ବଳିଷ୍ଠ ବ୍ୟକ୍ତିତ୍ୱ ନିଜର ଜୀବନ କାହାଣୀକୁ ଏତେ ଜୀବନ୍ତ କରିଦିଅନ୍ତି ଯେ ତାହା ଅନ୍ୟମାନଙ୍କ ପାଇଁ ପ୍ରେରଣା ପାଲଟିଯାଏ । ଆଜି ସେମିତି ଜଣେ ଖାସ୍ ବ୍ୟକ୍ତି ନିଜ ଜୀବନର ଖାସ୍ ମୂହୂର୍ତ୍ତକୁ ମନେପକାଇ ଆଖିରୁ ଲୁହ ଗଡାଉଛନ୍ତି । ଜଣେ ଖେଳାଳି ପାଇଁ ତା ପଡିଆ ତାର ଖେଳିବାର ଜିନିଷ ଓ ତାର ଦର୍ଶକ ଏସବୁ ବହୁତ ହିଁ ଗୁରୁତ୍ୱ ରଖନ୍ତି । ତାଙ୍କ ପାଇଁ ଦର୍ଶକଙ୍କର ଭଲପାଇବା ,ତାଳି,ଗାଳି ସବୁକିଛି ଏତେ ମହତ୍ୱ ରଖେ ଯେ ତା ବିନା ଜୀବନ ଜିଇଁବା ଜଣେ ମହାନ ଖେଳାଳିଙ୍କ ପାଇଁ ସମ୍ଭବ ହିଁ ନୁହେଁ ।
ରୋଜର ଫେଡରର୍ ଟେନିସ୍ ଖେଳ ଦୁନିଆର ଜଣେ ଚତ୍ମକାରୀ ଷ୍ଟାର । ସେ ଯେତିକି ନିଜ ଜୀବନରେ ମ୍ୟାଚ ଖେଳିଛନ୍ତି ଓ ଯେଉଁଭଳି ସ୍ତରରେ ନିଜ ମ୍ୟାଚକୁ ସେ ଜୀବନ୍ତ କରନ୍ତି ତାଙ୍କ ଫ୍ୟାନ୍ସ ମାନେ ବି ତାଙ୍କୁ ସେତିକି ଅମାପ ଭଲପାଇବା ଦିଅନ୍ତି । ଶୁକ୍ରବାର ଦିନ ସେ ନିଜ ଜୀବନର ଶେଷ ମ୍ୟାଚ ଖେଳିଲେ ଆଉ ନିଜ ଆଖିରୁ ଲୁହ କୁ ଅଟକାଇପାରିଲେ ନାହିଁ । ଶେଷ ମ୍ୟାଚ୍ ହାରିଲେ ଲିଜେଣ୍ଡ ଖେଳାଳି ରୋଜର ଫେଡରର । କ୍ୟାରିୟରର ଶେଷ ମ୍ୟାଚ୍ ରେ ଫ୍ରାନ୍ସିସ୍ ଟିଆଫୋ ଏବଂ ଜ୍ୟାକ୍ ସୌଫଙ୍କଠାରୁ ହାରିଥିଲେ । ତେବେ ଶେଷ ମ୍ୟାଚରେ ପରାଜୟ ପରେ ଫେଡେରରଙ୍କ ଆଖିରୁ ବୋହିଥିଲା ଅଶ୍ରୁ ଧାର ।
Rafa Nadal and Roger Federer in tears after Federer’s retirement is the best sports moment you’ll see in some time.
Ultimate respect. 🐐🐐 pic.twitter.com/fUeY8wQSTM
You may also like
— Barstool Sports (@barstoolsports) September 23, 2022
ବାସ୍ତବରେ, ଏହା ତାଙ୍କର ଶେଷ ମ୍ୟାଚ୍ ଥିଲା, ଏପରି ପରିସ୍ଥିତିରେ, ଯେତେବେଳେ ଫେଡେରର ମ୍ୟାଚ୍ ହାରିଗଲେ । ସେ ଅନୁଭବ କରିଥିଲେ ଯେ ଏହା ପରେ ତାଙ୍କୁ ଆଉ ଟେନିସ୍ କୋର୍ଟରେ କେବେ ଦେଖିବାକୁ ମିଳିବନି । ସେଥିପାଇଁ ନିଜର ଶେଷ ମ୍ୟାଚ୍ ଖେଳିବା ପରେ ଭାବବିହ୍ୱଳ ହୋଇପଡିଥିଲେ ଫେଡରର୍ । କେବଳ ଫେଡରର ନୁହେଁ ତାଙ୍କ ସାଥୀ ଖେଳାଳି ବି କାନ୍ଦି ପକାଇଥିଲେ । ଯାହାର ଚିତ୍ର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ପ୍ରଶଂସକମାନେ ମଧ୍ୟ ଭିଡିଓ ଦେଖି ତୀବ୍ର ପ୍ରତିକ୍ରିୟା ଦେଉଛନ୍ତି। ଫେଡେରର ଭାବପ୍ରବଣ ଥିବାବେଳେ ଅନ୍ୟ ଜଣେ ଭେଟେରାନ ଖେଳାଳି ରାଫେଲ ନାଡାଲ ମଧ୍ୟ ଭାବପ୍ରବଣ ହୋଇଥିଲେ । ଆହୁରି ମଧ୍ୟ ନୋଭାକ୍ ଜୋକଭିକଙ୍କ ଆଖିରେ ବି ଆସିଥିଲା ଲୁହ । ତଥାପି ପୁରୁଷ ସିଙ୍ଗଲ୍ସରେ ସର୍ବାଧିକ ଗ୍ରାଣ୍ଡସ୍ଲାମ ଟାଇଟଲ ଜିତିବା କ୍ଷେତ୍ରରେ ରୋଜର ଫେଡେରର ତୃତୀୟ ସ୍ଥାନରେ ରହିଛନ୍ତି । କ୍ୟାରିୟରରେ ଫେଡେରର ୨୦ଟି ଗ୍ରାଣ୍ଡସ୍ଲାମ ଟାଇଟଲ ଜିତିବାରେ ସଫଳ ହୋଇଛନ୍ତି । ଏହାସହ ୨୨ ଟି ଗ୍ରାଣ୍ଡସ୍ଲାମ ଟାଇଟଲ ଜିତି ରାଫେଲ ନାଡାଲ ଶୀର୍ଷରେ ଅଛନ୍ତି ।
