ଗ୍ୟାସ ସମସ୍ୟା ପାଇଁ ଚିନ୍ତିତ କି? ଆଜି ହିଁ ସୁଧାରନ୍ତୁ ନିଜର ଏହି ଗୁଣ

ଆଜିକାଲି ସ୍ୱାସ୍ଥ୍ୟଗତ ସମସ୍ୟା ଭିତରେ ଗ୍ୟାସ ଜନିତ ଅସୁବିଧା ଏକ ଚିନ୍ତାଜନକ ସମସ୍ୟା । କାହିଁକି ଓ କଣ ପାଇଁ ଅଧିକାଂଶ ବ୍ୟକ୍ତିଙ୍କ ଭିତରେ ଏହି ସମସ୍ୟା ଦେଖିବାକୁ ମିଳୁଛି ? ଏହି ବିଷୟରେ ଆମେ ସବୁ କଥା ନ ଜାଣି କିଛି ବି ମେଡିସିନ୍ ଖାଇଦେଉ । ହେଲେ ପ୍ରକୃତରେ ଏହି ସମସ୍ୟାର ସମାଧାନ କେମିତି ହେବ ? ବହୁତ ସମୟରେ ସକାଳୁ ହିଁ ଲୋକଙ୍କୁ ଗ୍ୟାସ ହେବାର ସଂଙ୍କେତ ଅଧିକ ଦେଖାଦିଏ । ଆଜିକା ସମୟରେ ପେଟରେ ଅମ୍ଲ ହେବା ଏକ ସାଧାରଣ ସମସ୍ୟା ଭାବେ ଦେଖାଯାଉଛି । ହେଲେ ସକାଳୁ ସକାଳୁ ପେଟରେ ଗ୍ୟାସ ସୃଷ୍ଟି ହେବାର ବିଭିନ୍ନ କାରଣ ହୋଇପାରେ ।

-ଖାଦ୍ୟପେୟ ଜୀବନ ଶୈଳୀ ଅସନ୍ତୁଳିତ ରହିବା ହେଉଛି ପ୍ରଥମ କାରଣ । ଏହା ଦ୍ୱାରା ଏହି ଗ୍ୟାସ ଯୋଗୁଁ ଅନେକ ସମୟରେ ଶରୀରରେ ଯନ୍ତ୍ରଣା ଅନୁଭବ ହୁଏ । ଯାହା ଦ୍ୱାରା ପେଟ ଯନ୍ତ୍ରଣା ଓ ବାନ୍ତି ପରି ସମସ୍ୟା ଦେଖାଦିଏ । ତେବେ ଏହାର ଅନେକ ଗୁଡିଏ କାରଣ ହୋଇପାରେ ।

– ଯଦି ଆପଣ ରାତି ସମୟରେ ଅଧିକ ପରିମାଣରେ ଭୋଜନ କରନ୍ତି କିମ୍ବା ଅଧିକ ପରିମାଣରେ ସାଲାଡ ଖାଆନ୍ତି । ତେବେ ସକାଳୁ ପେଟରେ ପ୍ରବଳ ଗ୍ୟାସ ସୃଷ୍ଟି ହୋଇଥାଏ । ବିନ୍ସ,ମୁଗଡାଲି ,ଫୁଲକୋବି,ବନ୍ଧାକୋବି ଆଦିରେ ଫାଇବର୍ ଓ କାର୍ବୋହାଇଡ୍ରେଟ୍ ଅଧିକ ମାତ୍ରାରେ ଥାଏ । ଯଦି ଆପଣ ରାତି ଭୋଜନରେ ଏହାକୁ ଖାଆନ୍ତି ତେବେ ପେଟରେ ଥିବା ରୋଗାଣୁ ଏହାକୁ ଫର୍ମେଣ୍ଟ କରେ । ଫଳରେ ପେଟରେ ସିଓ-୨,ମିଥେନ୍ ଆଦି ଗ୍ୟାସ ସୃଷ୍ଟି ହୁଏ । ସକାଳୁ ସକାଳୁ ଖାଲି ପେଟରେ ମଧ୍ୟ ପ୍ରବଳ ଗ୍ୟାସ ସୃଷ୍ଟି ହୁଏ । ଏହା ସହ ରାତି ଭୋଜନରେ ମସଲା ଯୁକ୍ତ ଖାଦ୍ୟ ଖାଇଲେ ବି ପେଟରେ ପ୍ରବଳ ଗ୍ୟାସ ହେବା ସହ ସକାଳୁ ସକାଳୁ ମଧ୍ୟ ପେଟରେ ଗ୍ୟାସ ସମସ୍ୟା ଦେଖାଯାଏ । ତେଣୁ ରାତି ଭୋଜନରେ ଏସବୁ ଖାଦ୍ୟରୁ ଦୂରେଇ ରହିବାକୁ ଚେଷ୍ଟା କରନ୍ତୁ ।

-ଯଥେଷ୍ଟ ପରିମାଣ ପାଣି ନ ପିଇବା ସକାଳୁ ଗ୍ୟାସ ସମସ୍ୟାର ଆଉ ଏକ ବଡ କାରଣ । ଅନେକ ଖାଦ୍ୟ ଖାଇବା ମଝିରେ ପାଣି ପିଉଥିବାବେଳେ ଖାଦ୍ୟ ଖାଇବା ପରେ କିନ୍ତୁ ପାଣି ପିଇବା ଉପରେ ଗୁରୁତ୍ୱ ଦିଅନ୍ତ ନାହିଁ । ଫଳରେ ପେଟରେ ଖାଇଥିବା ଖାଦ୍ୟ ଫରମେଣ୍ଟ ହୋଇ ଗ୍ୟାସ ସୃଷ୍ଟି କରେ । ଏହାସହ ରାତି ଭୋଜନରେ ମସଲା ଯୁକ୍ତ ଖାଦ୍ୟ ଖାଇଲେ ବି ପେଟରେ ପ୍ରବଳ ଗ୍ୟାସ ହେବା ସହ ସକାଳୁ ସକାଳୁ ମଧ୍ୟ ପେଟରେ ଗ୍ୟାସ ସମସ୍ୟା ଦେଖାଯାଏ ।ତେଣୁ ରାତି ଭୋଜନରେ ଏସବୁ ଖାଦ୍ୟରୁ ଦୂରେଇ ରହିବାକୁ ଚେଷ୍ଟା କରନ୍ତୁ ।

-ଯଥେଷ୍ଟ ପରିମାଣ ପାଣି ନପିବା ସକାଳୁ ଗ୍ୟାସ ସମସ୍ୟାର ଆଉ ଏକ କାରଣ । ଅନେକ ଖାଦ୍ୟ ଖାଇବା ମଝିରେ ପାଣି ପିଉଥିବାବେଳେ ଖାଦ୍ୟ ଖାଇବା ପରେ କିନ୍ତୁ ପାଣି ପିଇବା ଉପରେ ଗୁରୁତ୍ୱ ଦିଅନ୍ତି ନାହିଁ । ଫଳରେ ପେଟରେ ଖାଇଥିବା ଖାଦ୍ୟ ଫରମେଣ୍ଟ ହୋଇ ଗ୍ୟାସ ସୃଷ୍ଟି କରେ । ମାସିକ ଧର୍ମ ସମୟରେ ମଧ୍ୟ ପେଟରେ ଗ୍ୟାସ ସୃଷ୍ଟି ହୁଏ । ଏଥିରେ କିଛି ଡରିବାର ନାହିଁ । କାରଣ ଏହି ସମୟରେ ଶରୀର କିଛି ହର୍ମୋନ ଅସନ୍ତୁଳିତ ହୋଇଥାଏ । ଫଳରେ ପେଟ ଅନେକ ସମୟରେ ଫୁଲି ରୁହେ । ହେଲେ ମାସିକ ଧର୍ମ ଶେଷ ହେବା ସହ ଏହି ସମସ୍ୟା ସମାଧାନ ହୋଇଯାଏ ।

-ପେଟରେ କିଛି ସଂକ୍ରମଣ ହୋଇଥିଲେ ବି ସକାଳୁ ସକାଳୁ ପେଟ ଫୁଲିବା ପରି ସମସ୍ୟା ଦେଖାଯାଏ । କେବେ କେବେ ପେଟରେ ଏଚ୍ ଫାଇଲୋରୀ ନାମକ ବ୍ୟାକ୍ଟେରିଆ ବଢିଯାନ୍ତି, ଫଳରେ ପେଟରେ ଗ୍ୟାସ ସୃଷ୍ଟି ହୁଏ । ଏନେଇ ତୁରନ୍ତ ଡାକ୍ତରଙ୍କ ସହ ପରାମର୍ଶ କରିବା ଉଚିତ ।

ଏହାବ୍ୟତୀତ କିଛି ସ୍ୱାସ୍ଥ୍ୟଗତ କାରଣ ଯୋଗୁଁ ମଧ୍ୟ ପେଟରେ ପ୍ରବଳ ଗ୍ୟାସ ସୃଷ୍ଟି ହୁଏ ବିଶେଷ କରି ସକାଳୁ ସକାଳୁ ନିତ୍ୟ କର୍ମ ସାରିବା ପରେ ବି ପେଟରେ ଗ୍ୟାସ ହୋଇଯାଏ । ଯେପରିକି ହାଇବର୍ଟିକ୍ୟୁଲାଇଟିସ୍, ଅଲ୍ସରେଟିଭ୍ କୋଲାଇଟିସ୍, କ୍ରୋହନ୍ସ ଡିଜିଜ୍, ଇରିଟେବଲ ବାଉଲ ସିଣ୍ଡ୍ରୋାମ୍, ମଧୁମେହ. ଥାଇରଏଡ୍ , ଓ ଇଣ୍ଟେଷ୍ଟାଇନ୍ ବ୍ଲକେଜ୍ ହେଲେ ମଧ୍ୟ ଭୋର ସମୟରେ ପେଟରେ ପ୍ରବଳ ଗ୍ୟାସ ହୁଏ ବୋଲି ବିଶେଷଜ୍ଞ ମାନେ କହିଛନ୍ତି । ତେଣୁ ଏସବୁକୁ ଅବହେଳା ନକରି ଡାକ୍ତରଙ୍କ ସହ ପରାମର୍ଶ କରିବା ଉଚିତ