Health-ଏବେ ମହିଳାଙ୍କୁ ସ୍ତନ କର୍କଟରୁ ମଳିବ ମୁକ୍ତି, କହିଲେ ଡାକ୍ତର ସନ୍ଦିପ୍ କୁମାର ମିଶ୍ର

ମଣିଷ ଜନ୍ମଠୁ ମୃତ୍ୟୁ ପର୍ଯ୍ୟନ୍ତ ବିଭିନ୍ନ ପ୍ରକାରର ରୋଗର ସାମ୍ନା କରିଥାଏ । ଏହି ସବୁ ରୋଗ ମାନଙ୍କ ମଧ୍ୟରୁ କ୍ୟାନ୍ସର ଅନ୍ୟତମ । ଯାହା କି ଉଭୟ ପୁରୁଷ ଓ ମହିଳା ମାନଙ୍କୁ ହୋଇଥାଏ, ଏହି ରୋଗ ବୟସ ଦେଖିନଥାଏ, ସବୁ ବୟସର ବ୍ୟକ୍ତି ବିଶେଷଙ୍କୁ ଏହି ରୋଗ ହୋଇପାରେ । କିନ୍ତୁ କେବଳ ମହିଳା ମାନଙ୍କ କଥା ଯଦି ଆମେ କହିବା ତେବେ ମହିଳା ମାନଙ୍କ ମଧ୍ୟରେ ସ୍ତନ କର୍କଟ ଜନିତ ସମସ୍ୟା ଦେଖିବାକୁ ମିଳେ । ଏହା ଏମିତି ଏକ ରୋଗ ଯାହା କ୍ୟାନ୍ସରର ଆଉ ଏକ ରୂପ ହୋଇ ନାରୀଙ୍କୁ ହୋଇଥାଏ । ଏହା କୌଣସି ଗୁପ୍ତ ରୋଗ ନୁହେଁ ଏସମ୍ବନ୍ଧରେ ଖୋଲାଖୋଲି ବିଚାର ବିମର୍ଶ କରିବା ଉଚିତ୍ । ଆମ ଓଡ଼ିଶାରେ ଆଜି ବି ଏହି ରୋଗକୁ ନେଇ କିଛି ସଚେତନତା ନାହିଁ । ତାହାଲେ ଚାଲନ୍ତୁ ଆଜି ଡାକ୍ତର ସନ୍ଦିପ କୁମାର ମିଶ୍ରଙ୍କ ସହ ଏହି ରୋଗ ସମ୍ବନ୍ଧରେ ସିଧାସଳଖ ଆଲୋଚନା କରିବା ଓ ଜାଣିବା କାହିଁକି ହୁଏ ସ୍ତନ କର୍କଟ ଏବଂ କଣ ରହିଛି ଏହାର ନିରାକରଣ । ଡାକ୍ତର ସନ୍ଦିପ ମିଶ୍ର ହେଉଛନ୍ତି ବିଶ୍ୱର ପ୍ରଥମ ଡାକ୍ତର ଯିଏ ସ୍ତନ କର୍କଟର ଉପଚାର ଔଷଧ ରୂପରେ ଖୋଜି ବାହାର କରିଛନ୍ତି ।

ସ୍ତନ କର୍କଟର ଲକ୍ଷଣ କ’ଣ?

ଉ- ସ୍ତ୍ରୀ ଲୋକ ମାନେ ଘରେ ବହୁତ ସହଜ ଉପାୟରେ ଜାଣିପାରିବେ କି ତାଙ୍କୁ ସ୍ତନ କର୍କଟ ହେଇଛି କି ନାହିଁ । “ବେଳେ ବେଳେ ଲକ୍ଷଣ ଜଣା ପଡ଼େ ନାହିଁ, କିନ୍ତୁ ଯଦି ସ୍ତନରେ ଗୋଟି ଭଳି ଲାଗେ, ମାଂସ ପେଶୀ ବଢ଼ିଲା ପରି ଲାଗେ କିମ୍ବା ଅସମାନତା ଦେଖାଗଲା ତେବେ ତାହା ଏକ ଲକ୍ଷଣ ହୋଇପାରେ ସ୍ତନ କର୍କଟ ହେବାର” ।

ସ୍ତନ କର୍କଟର ହେବାର କାରଣ କ’ଣ ରହିଥାଏ?

ଉ- କାରଣ ବହୁତ ଅଛି କିନ୍ତୁ ଏହା ଏକ “ ବଂଶଗତ ରୋଗ ହୋଇଥାଏ, ଯଦି ଆପଣଙ୍କ ପରିବାରରେ ଏହି ରୋଗ ଟି ଥିବ ତେବେ ଆପଣଙ୍କୁ ମଧ୍ୟ ହୋଇପାରେ । ଆଜିକାଲିର ଝିଅ ମାନେ ମାତ୍ରାଧିକ ଧୁମ୍ରପାନ କରୁଛନ୍ତି ଏହା ଏକ କାରଣ ହୋଇଥାଏ । ଚୁଲି ଜାଳି ଯେଉଁମାନେ ରୋଷେଇ କରୁଛନ୍ତି ସେମାନଙ୍କୁ ମଧ୍ୟ ସ୍ତନ କର୍କଟ ହୋଇପାରେ । ମାତ୍ରାଧିକ ଜଙ୍କ୍‌ଫୁଡ୍ ଖାଇବା ଏକ କାରଣ ହୋଇଥାଏ । ଏହା ବ୍ୟତିତ ଲାଇଫ୍ ଷ୍ଟାଇଲ ବଦଳିବା ସହ ମା’ ମାନେ ନିଜ ଛୁଆକୁ ସ୍ତନପାନ କରାଉନାହାଁନ୍ତି । କିମ୍ବା ଛୁଆକୁ ୩ ରୁ ୪ ମାସ ସ୍ତନପାନ କରେଇକି ନିଜ ନିଜ କାମରେ ରହିଯାଉଛନ୍ତି ତାହା ଏକ କାରଣ ହୋଇଥାଏ । ଶିଶୁକୁ କମ୍ ସେ କମ୍ ବର୍ଷେରୁ ଦେଢ଼ ବର୍ଷ ପର୍ଯ୍ୟନ୍ତ ସ୍ତନପାନ କରାଇବା କଥା, ତାହା ମା’ ପାଇଁ ଓ ଶିଶୁ ପାଇଁ ଉଭୟଙ୍କ ପାଇଁ ଭଲ ହୋଇଥାଏ ”।

ଓଡ଼ିଶାରେ ମହିଳା ମାନେ କେତେ ସଚେତନ?

ଉ- “ଗାଁ ଗହଳିରେ ଏତେ ଲୋକ ସଚେତନ ନାହାଁନ୍ତି । ସେମାନଙ୍କ ପାଇଁ କାର୍ଯ୍ୟକ୍ରମ କରିବାକୁ ପଡ଼ିବ ତାଙ୍କୁ ସଚେନ କରିବାକୁ ପଡ଼ିବ । କିନ୍ତୁ ସହରରେ ଲୋକ ମାନେ ଧିରେ ଧିରେ ଏନେଇ ସଚେତନ ହେଉଛନ୍ତି, ଲୋକ ମାନେ ଜାଣିଲେଣି ଏ ବିଷୟରେ”

ଆପଣ ଯେଉଁ ମେଡିସିନ୍ ଲୋକଲୋଚନକୁ ଆଣିଲେ, ତାହା ଲୋକ ମାନଙ୍କ ପାଖରେ କେବେ ପହଞ୍ଚିବ?

ଉ- “୧୦ ବର୍ଷର କଡ଼ା ପରିଶ୍ରମ ପରେ ଆମେ ଏହି ମେଡିସିନ୍‌କୁ ତିଆରି କରିପାରିଛୁ । ମେଡିସିନ୍ ଟିର ନା’ ହେଉଛି “ଡି.ଜି ନାପେ” । ଆମେ ତାକୁ ମୂଷାଙ୍କ ଉପରେ ପ୍ରୟୋଗ କରି ଦେଖେଛୁ ଯାହାକି ଏକ ସଫଳ ପରୀକ୍ଷଣ ହୋଇଛି । ଏହା ବ୍ୟତିତ ଆମକୁ ମଣିଷଙ୍କ ଉପରେ ପ୍ରୟୋଗ କରିବା ପାଇଁ ମଧ୍ୟ ଅନୁମତି ମିଳିସାରିଛି । କିନ୍ତୁ ଏପର୍ଯ୍ୟନ୍ତ ଆମେ ସେହି ପରୀକ୍ଷଣ କରିନାହୁଁ” । ବହୁତ ଜଲ୍‌ଦି ମଣିଷକୁ ନେଇକି ପରୀକ୍ଷା କରାଯିବ ଏବଂ ତାହା ସଫଳ ହେଲା ପରେ ଭାରତ ସରକାରଙ୍କ ଅନୁମତି ପରେ ମେଡିସିନ୍ ଷ୍ଟୋରକୁ ଆସିବ କି ନାହିଁ ଜଣା ପଡ଼ିବ ।

କେଉଁ ବୟସର ମହିଳା ମାନଙ୍କ ପାଖରେ ଏହି ରୋଗ ଦେଖାଯାଏ?

ଉ- “ସାଧାରଣତଃ ୪୦ ରୁ ୪୫ ବର୍ଷ ବୟସର ମହିଳା ମାନଙ୍କ ପାଖରେ ଏହି ରୋଗଟି ଦେଖାଯାଏ । ମାତ୍ର ଆଜି କାଲି ଯୁବତୀ ମାନଙ୍କ ମଧ୍ୟରେ ଏହି ରୋଗ ଦେଖାଗଲାଣି । କିନ୍ତୁ ୪୦ ବର୍ଷ ପରେ ପ୍ରତ୍ୟେକ ବର୍ଷ କିମ୍ବା ୬ମାସରେ ଥରେ ‘ମମୋଗ୍ରାଫି’ କରେଇବା ଉଚିତ୍ । ଯଦି କିଛି ଅସୁବିଧା ଥିବ ଆପଣଙ୍କ ସ୍ତନରେ ତେବେ ତାହା ଜଣା ପଡ଼ିଯାଇଥାଏ । ”

ଏହି ରୋଗରୁ ବଞ୍ଚିବା ପାଇଁ କେଉଁ ଭଳି ଖାଦ୍ୟ ଖାଇବା ଦରକାର?

ଉ- “ମହିଳା ମାନେ ଧୁମ୍ରପନାନ କରିବା କଥା ନୁହେଁ । କାକୁଡ଼ି, ଗାଜର, ବିଟ୍‌, ସଜନା ଶାଗ, ସଜନା ଛୁଇଁ ଆଦି ଖାଇବା ଦରକାର । ପ୍ରତ୍ୟେକ ଖାଦ୍ୟରେ ହଳଦୀ ବେଶୀ ମାତ୍ରାରେ ବ୍ୟବହାର କରିବା ଉଚିତ୍ । ଯାହା ଦ୍ୱାରା ମହିଳା ମାନଙ୍କର ସ୍ତନ କର୍କଟ ହେବା ଆଶଙ୍କା କମ୍ ଥାଏ ” ।

ଟିପ୍ସ-

“ଗୋଟା ହଳଦୀ ରାତିରେ ବତୁରାଇକି ସକାଳୁ ସେହି ପାଣିରୁ ହଳଦୀକୁ ଛାଣି ପାଣିକୁ ପିଇବା ମଧ୍ୟ ସ୍ୱାସ୍ଥ୍ୟପ୍ରତି ଭଲ ହୋଇଥାଏ । ସେହିପରି ଜିରାକୁ ମଧ୍ୟ ରାତିରେ ବତୁରାଇକି ସକାଳୁ ସେହି ପାଣି ପିବା ମଧ୍ୟ ଭଲ ହୋଇଥାଏ । ଯାହାକି ସୁଗାର କୁ ମଧ୍ୟ ଠିକ୍ ରଖିଥାଏ ।”ଆମର ଆଶା ଏହି ରୋଗ ବିଷୟରେ ଆପଣଙ୍କୁ ନିଶ୍ଚିନ୍ତ କିଛି ଧାରଣା ଆସିଯାଇଥିବ, ଯଦି ଏହା ଆପଣ ମାନଙ୍କୁ ଉପକାରୀ ଲାଗେ ତେବେ ପୋଷ୍ଟଟିକୁ ଅନ୍ୟମାନଙ୍କୁ ସେୟାର କରନ୍ତୁ ।