ଶତାବ୍ଦୀର ଶ୍ରେଷ୍ଠ କଳାକାରଙ୍କୁ ଜନ୍ମ ଦିନର ଶୁଭେଚ୍ଛା
ସିନେମାରେ କଳାକାରଟିଏ ଯେଉଁ ପରିଚୟ ପ।ଏ ତାହା ତା ଜୀବନର ସବୁଠୁ ବଡ ପରିଚୟ ହେଇଯାଏ । ଜଣେ ଅଭିନେତା ନିଜ ଅଭିନୟ ଦୁନିଆକୁ ଆସିବା ବେଳେ ସାଙ୍ଗରେ ଅମାପ ସ୍ୱପ୍ନ ନେଇ ଆସେ କିନ୍ତୁ ସେଇ ସ୍ୱପ୍ନ କେତେବେଳେ ସତରେ ପରିଣତ ହେଇଯାଏ ତାହା ଜାଣିହୁଏନି । ସେମିତି ଜଣେ ଅଭିନେତା ଯିଏ ବଲିଉଡରେ ପ।ଦ ଦେବା ବେଳେ କେବେ ଭାବିନଥିଲେ ଦିନେ ସେ ଏହି ଦୁନିଆର ବେତାଜ୍ ‘ବାଦଶାହ’ ପ।ଲଟିଯିବେ ଆଉ ‘ସେହନ୍ସା’ଭଳି ଜୀବନ କାଟିବେ । ନା ତାଙ୍କୁ ସମୟର ‘ଜଞ୍ଜିର’ ଅଟକାଇ ପ।ରିଥିଲା ନା ହିଁ ତାଙ୍କର ‘ଡନ୍’ ଅବତାରକୁ କେହି ଭୁଲିପାରିଲେ । ସେ ବଲିଉଡରେ ଏମିତି ଏକ ଯୁଗ ଆରମ୍ଭ କଲେ ଯ।ହାର ଅନ୍ତ ହିଁ ନାହିଁ । ତାଙ୍କ ବିଷୟରେ ଯେତେ ବର୍ଣ୍ଣନା କଲେ ବି କମ୍ ପଡିବ । ଯଦି କଳାକାର ଦୁନିଆର ଅସଲ ହୀରା ହିସାବରେ କଳନା କରାଯାଏ ତାହାଲେ ସେ ସବୁଠୁ ଦାମିକା ହୀରା ହିସାବରେ ପରିଚୟ ପ।ଇବେ । ଆଜି ସେହି ମହାନ କଳାକାରଙ୍କୁ ବୟସ ୮୦ ଛୁଇଁଛି ସତ ହେଲେ ଆଜି ବି ତାଙ୍କ ଭିତରେ ସେହି ଯୁବାବସ୍ଥାର ରଙ୍ଗ କୁଟି କୁଟି ଭରି ରହିଛି । ସେ ନିଜକୁ ନା ହିଁ ବୃଦ୍ଧ ଭାବନ୍ତି ନା ହିଁ ତାଙ୍କ କାମରେ ସେ ଅବସର ନେବାକୁ ଚାହାନ୍ତି ବାସ୍ ଶେଷ ନିଶ୍ୱାସ ଯାଏଁ କଳା ଓ କଳାକାର ରଙ୍ଗମଂଚରେ ଦର୍ଶକଙ୍କୁ ମନୋରଞ୍ଜନ ଦେବାକୁ ଚାହାନ୍ତି । ସେ ହେଉଛନ୍ତି ଆପଣ ସମସ୍ତଙ୍କର ଅତି ପ୍ରିୟ ଅଭିନେତା ଅମିତାଭ୍ ବଚନ ।
() ବଲିଉଡର ଭେଟରାନ୍ ଅଭିନେତା ବିଗ୍ ବି ବା ଅମିତାଭ ବଚନ । ଅମିତାଭ ବଚନଙ୍କ ଜନ୍ମ ୧୧ ଅକ୍ଟୋବର ୧୯୪୨ ମସିହାରେ ଆଲ୍ଲାହାବାଦରେ ହୋଇଥିଲା । ପିତାଙ୍କ ନାମ କବି ହରିବଂଶରାୟ ବଚନ ଓ ମା’ଙ୍କ ନାମ ତେଜି ବଚନ ଥିଲା । ପିଲା ବେଳୁ ଅମିତାଭ ଙ୍କ ନା ଅଭିତାଭ ବଚନ ନଥିଲା, ତାଙ୍କ ନା’ ଥିଲା ଇନ୍କଲାବ । ଯେତେବେଳ ସେ ଜନ୍ମ ହୋଇଥିଲେ, ସେତେବେଳେ ମହାତ୍ମା ଗାନ୍ଧୀଙ୍କ ଦ୍ୱାରା ଭାରତ ଛାଡ଼ ଆନ୍ଦୋଳନ ଚାଲିଥିଲା । ଏହି କାରଣରୁ ତାଙ୍କ ନା’ ଇନକଲାବ ରଖାଯାଇଥିଲା । ପରେ ଅଭିନେତ୍ରୀ ଜୟା ଭାଦୁଡ଼ିଙ୍କ ସହ ୧୯୭୩ ମସିହାରେ ସେ ବିବାହ କରିଥିଲେ । ଯାହାଙ୍କ ଠାରୁ ତାଙ୍କର ଗୋଟିଏ ପୁଅ ଓ ଗୋଟିଏ ଝିଅ ଜନ୍ମ ହେଲେ । 
ଅମିତାଭ ବଚନଙ୍କ ଅଭିନୟର ଜୀବନ କଷ୍ଟକର ଥିଲା । ଅଭିନୟ କରିବା ପୂର୍ବରୁ ପ୍ରଥମେ ସେ ଅଲ ଇଣ୍ଡିଆ ରେଡିଓରେ ଭଏସ୍ ଦେଇ ଦୁଇ ଥର ରିଜେକ୍ଟ ହୋଇସାରିଥିଲେ । କିନ୍ତୁ ବଲିଉଡର ଫିଲ୍ମ ଭୁବନ ସୋମରେ ଭଏସ ଓଭର ଦେଇ ସେ ଇଣ୍ଡଷ୍ଟିରେ ପ୍ରବେଶ କରିଥିଲେ । ଅମିତାଭ ‘ସାଥ୍ ହିନ୍ଦୁସ୍ତାନୀ’ରୁ ନିଜ ଅଭିନେତା ଜୀବନ ଆରମ୍ଭ କରିଥିଲେ । ଏହା ପରେ ସେ ‘ଆନନ୍ଦ’ ଫିଲ୍ମରେ କାମ କରିଥିଲେ ଓ ‘ଜଞ୍ଜିର’ ଭଳି ଏକ ବଡ଼ ଫିଲ୍ମରୁ ତାଙ୍କ ନା’ ବଢ଼ିବାକୁ ଲାଗିଲା ‘ଆଙ୍ଗରି ୟଙ୍ଗମ୍ୟାନ’ ଭାବେ ଲୋକ ଅମିତାଭଙ୍କୁ ପ୍ରଥମ ଥର ପାଇଁ ଦେଖିଲେ ।
ଆଲ୍ଲହାବାଦର ପାର୍ଲାମେଟରୁ ମେମ୍ବର ଭାବେ ଯିତିଥିଲେ, କିନ୍ତୁ ବିବାଦରେ ପଡ଼ି ସେ ରାଜନୀତି ଛାଡ଼ିଦେଲେ । ପରେ ଗୋଟିଏ ଏମିତି ବି ସମୟ ଆସିଲା ଯେଉଁଠି ଅମିତାଭଙ୍କ କୌଣସି ଫିଲ୍ମ ଭଲ ପ୍ରଦର୍ଶନ କରିପାରୁ ନଥିଲା । ଯାହା ଫଳରେ “ଖୁଦା ଗବା” ଫିଲ୍ମ ପରେ ସେ କିଛି ବର୍ଷ ପାଇଁ ଅଭିନୟ ଛାଡ଼ିଦେବେ ବୋଲି ନିଷ୍ପତି ନେଇଥିଲେ । ଏହି ସମୟରେ ସେ ଏବିସିଏଲ ନାମକ ଏକ ପ୍ରଡକ୍ସନ ହାଉସ ଖୋଲିଥିଲେ । କିନ୍ତୁ କିଛି ଖାସ ଚାଲିଲା ନାହିଁ ତାଙ୍କ କମ୍ପାନୀ । ତେଣୁ ସେ ପୁଣି ଫେରିଲେ ଅଭିନୟ ଜୀବନକୁ ଓ ଛୋଟ ପରଦାରେ ଆସିଲା କେବିସି ଯେଉଁଠି ଦର୍ଶକ ପ୍ରଥମ ଥର ଛୋଟ ପରଦାରେ ଅମିତାଭଙ୍କ୍ୁ ଦେଖିଲେ, ଯାହାକି ଲୋକଙ୍କୁ ପସନ୍ଦ ଅସିଲା । 
