Happy Birthday Shaan, ଚର୍ଚ୍ଚିତ ବଲିଉଡ ଗାୟକ ଯିଏ ଓଡିଶାରେ ବି ଖୁବ୍ ପ୍ରସିଦ୍ଧ
() ଗୀତ କାହାକୁ ବା ପସନ୍ଦ ନୁହେଁ । ଯାହାକୁ ଶୁଣି ଆପେ ଆପେ ଗୋଡ଼ ନାଚି ଉଠେ ସେ ହେଉଛି ଗୀତ। କିନ୍ତୁ ଯେଉଁ ଗୀତକୁ ଶୁଣି ଆମେ ସକାଳ ଆରମ୍ଭ କରୁ ତାକୁ ଗାଇଥିବା ଗାୟକ କେତେ ଯେ ପରିଶ୍ରମ କରିଥିବ ତାର କଳ୍ପନା କରି ହେବ ନାହିଁ । ଆମ ଓଡ଼ିଆ ସିନେ ଜଗତରେ ଏମିତି ଅନେକ ଗାୟକ ଅଛନ୍ତି ଯେଉଁମାନଙ୍କ ପାଇଁ ଆମେ ଗର୍ବ ଅନୁଭବ କରିଥାଉ । କିନ୍ତୁ ସେତେବେଳେ ଅଧିକ ଖୁସି ଲାଗେ ଯେତେବେଳେ ବଲିଉଡର ଜଣେ ଗାୟକ ଆମ ଓଡ଼ିଶାକୁ ଆସି ଓଡ଼ିଆ ସଙ୍ଗୀତକୁ ଗାଇଥାନ୍ତି । ସେ ଭଳି ତ ଅନେକ ଗାୟକ ଅଛନ୍ତି, ହେଲେ ସେ ମଧ୍ୟରୁ ଜଣେ ହେଉଛନ୍ତି ସାନ୍ତନୁ ମୁଖାର୍ଜୀ (ସାନ୍) । ଅଜି ତାଙ୍କ ଜନ୍ମ ଦିନ ଅବସରରେ ଆସନ୍ତୁ ତାଙ୍କ ବିଷୟରେ ଅଧିକ କିଛି ଜାଣିବା । 
କିଏ ସାନ୍ତନୁ ମୁଖାର୍ଜୀ:
ସାନ୍ତନୁ ମୁଖାର୍ଜୀ ହେଉଛନ୍ତି ଜଣେ ପ୍ଲେ ବ୍ୟାକ ସିଙ୍ଗର, ଅଭିନେତା, ମ୍ୟୁଜିକ ଡାଇରେକ୍ଟର, ଆଙ୍କର ଇତ୍ୟାଦି । ସେ ୩୦ ସେପ୍ଟେମ୍ବର ୧୯୭୨ ମସିହା ମଧ୍ୟପ୍ରଦେଶର ଖଣ୍ଡୱାଠାରେ ଜନ୍ମ ଗ୍ରହଣ କରିଥିଲେ । ତାଙ୍କ ବାପା ମାନସ ମୁଖାର୍ଜୀ ଜଣେ ମ୍ୟୁଜିକ କମ୍ପୋଜର ଥିଲେ ଏବଂ ମା’ ସୋନାଲୀ ମୁଖାର୍ଜୀ ଜଣେ ଗାୟକ । ଏହା ବ୍ୟତୀତ ସାନ୍ ଙ୍କର ବଡ଼ ଭଉଣୀ ସାଗରିକା ମୁଖାର୍ଜୀ ସେ ବି ଜଣେ ଗାୟକ । ତାଙ୍କ ପରିବାରରେ ସଙ୍ଗୀତ ସମସ୍ତଙ୍କ ପାଖରେ ଥିବାରୁ ସାନ୍ ମଧ୍ୟ ପିଲା ବେଳୁ ହିଁ ଗୀତ ଗାଉଥିଲେ । ୨୦୦୩ରେ ତାଙ୍କ ଦୀର୍ଘ ଦିନ ଧରି ରହିଥିବା ପ୍ରେମିକା ରାଧିକ ମୁଖାର୍ଜୀଙ୍କ ସହ ବିବାହ କରିଥିଲେ । ତାଙ୍କର ୨ଟି ପୁଅ ମଧ୍ୟ ଅଛନ୍ତି ତାଙ୍କ ନା’ ଶୁଭ ମୁଖାର୍ଜୀ ଏବଂ ସୋହମ ମୁଖାର୍ଜୀ ।
ସେ ପିଲା ବେଳୁ ହିଁ ଆଡଭଟାଇଜରେ ଜିଙ୍ଗଲ ଗାଇ ନିଜ କ୍ୟାରିୟର ଆରମ୍ଭ କରିଥିଲେ । ପରେ ଦୀର୍ଘ ବର୍ଷର ଗ୍ୟାପ ପରେ ପୁଣି ସେ ଜିଙ୍ଗଲ ଗାଇ ଆରମ୍ଭ କଲେ । ୧୯୯୯ରେ ସେ ଫିଲ୍ମ “ପ୍ୟାର ମେ କଭି କଭି”ର ଗୀତ “ମୁସୁମୁ ସୁହାସି” ଏବଂ “ବୋ ପେହେଲି ବାର” ପ୍ରଥମ ଗୀତ ଗାଇ ଡେବ୍ୟୁ କରିଥିଲେ । ପରେ୨୦୦୧ରେ ଅଭିନେତା ଭାବେ ଦର୍ଶକ ତାଙ୍କୁ “ଦାମନ” ଫିଲ୍ମରେ ଦେଖିବାକୁ ପାଇଥିଲେ ।
