ସୁନ୍ଦର ପିଚାଇଙ୍କର ଏହିସବୁ କାମ ଆପଣଙ୍କୁ ପ୍ରେରଣା ଦେବ…

ଏମିତି ଅନେକ ସମୟ ରହିଛି ଯେଉଁଠି ଭାରତୀୟ ମାନେ ନିଜର କଳା ପ୍ରଦର୍ଶନ କରି ବେଶ୍ ନାଁ କମେଇଛନ୍ତି । ନିଜର ଟ୍ୟାଲେଣ୍ଟ,ସାହାସ,ମନବଳ ଓ ଅଦ୍ଭୁତ କୌଶଳ ଦମ୍ ରେ ବିଦେଶୀ ମାନଙ୍କ ଆଗରେ ବଡ ପଦବୀରେ ବି ରହିଛନ୍ତି । ଏମାନେ ଆମ ଭାରତର ହିଁ ଗୌରବ । କେବଳ ସେତିକି ନୁହେଁ ବିଦେଶୀଙ୍କ ଆଗରେ ନିଜ ଦେଶର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି । କିନ୍ତୁ କିଛି ଏମିତି ଭାରତୀୟ ଅଛନ୍ତି ଯେଉଁମାନଙ୍କୁ ଖାଲି ବିଦେଶରେ ନୁହେଁ ସାରା ବିଶ୍ୱରେ ବି ପ୍ରସିଦ୍ଧ । ସେମିତି ଜଣେ ଜଣାଶୁଣା ଓ ସାରା ବିଶ୍ୱରେ ପରିଚିତ ହେଇଥିବା ନାଁ ହେଉଛି ସୁନ୍ଦର ପିଚାଇଙ୍କର । ନାଁ ହିଁ ଯେମିତି ସୁନ୍ଦର ତାଙ୍କର ଚାଲିଚଳଣି ମଧ୍ୟ ସେମିତି ସୁନ୍ଦର । ଦୁନିଆର ସବୁ ପ୍ରଶ୍ନର ଉତ୍ତର ଦେଇପାରୁଥିବା ସର୍ଚ ଇଂଜିନ ଗୁଗୁଲ୍ ର ସେ ହେଉଛନ୍ତି ସିଇଓ । ସୁନ୍ଦର ପିଚାଇଙ୍କ ବିଷୟରେ ଆପଣ ଅନେକ କଥା ଶୁଣିଥିବେ ଅବା ଜାଣିଥିବେ । କିନ୍ତୁ ଆଜି ଆମେ ତାଙ୍କ ବିଷୟରେ କିଛି ରୋଚକ କଥା ଜାଣିବା ଯାହା ବୋଧହୁଏ ଆପଣଙ୍କୁ ଗୌରବାନ୍ୱିତ ଅନୁଭବ କରିବ ।

-ସୁନ୍ଦର ପିଚାଇ ଗୁଗୁଲ୍ ରେ କାମ କରନ୍ତି ଓ ଆମେ କାମ ପାଇଁ ଗୁଗୁଲ୍ କରୁ । ଏହାହିଁ ତଫାତ୍ ତାଙ୍କ ଓ ଆମ ଭିତରେ । ସେ ଯେଉଁ ଗୁଗଲ୍ ରେ କାମ କରୁଛନ୍ତି ତାକୁ ଆମେ ଆମ କାମରେ ଲଗେଇପାରୁଛୁ । କେବଳ କାମ ନୁହେଁ ସବୁପ୍ରକାରର କାମ ରେ ଲଗେଇପାରୁଛୁ । ୧୦ ଜୁନ୍ ୧୯୭୨ରେ ତାମିଲନାଡୁରେ ଜନ୍ମ ହୋଇଥିଲେ ସୁନ୍ଦର ପିଚାଇ । ତାଙ୍କ ପିତା ଜୁନିୟର ଇଂଜିନିୟର ଥିଲେ । ଗୋଟିଏ ମଧ୍ୟମଧରଣ ପରିବାରରେ ପିଲାଦିନ କଟିସାରିବା ପରେ ସେ ଘରର ଆର୍ଥିକ ସ୍ଥିତି ଠିକ୍ କରିବା ପାଇଁ ପାଠ ପଢା ଓ ତାସହ ଚାକିରୀ କରିବା ବି ଆରମ୍ଭ କରିଦେଇଥିଲେ ।

-ସମସ୍ତେ ଭାବନ୍ତି ଗୁଗଲ୍ ର ସିଇଓ ସୁନ୍ଦର ପିଚାଇ ନିଶ୍ଚିତ ପିଲାଦିନୁ ଟେକ୍ନୋଲୋଜୀରେ ରୁଚି ରଖୁଥିବେ । କିନ୍ତୁ ଏମିତି ବିଲକୁଲ୍ ବି ନଥିଲା । ବରଂ ତାଙ୍କର ରୁଚି କ୍ରିକେଟ ପ୍ରତି ରହିଥିଲା । ନିଜ ସ୍କୁଲରେ ସୁନ୍ଦର କ୍ରିକେଟ ଟିମ୍ ର କ୍ୟାପଟେନ୍ ଥିଲେ । ଆଉ ସମୟ ଅନୁସାରେ ରୁଚି ବି ବଦଳିଗଲା ।

-ଭଲ ପାଠପଢୁଥିଲେ ବୋଲି ସ୍କୋଲାର୍ସିପ୍ ପାଇ ସୁନ୍ଦର ଆମେରିକା ଯିବା ପାଇଁ ପ୍ରସ୍ତୁତ ହେଲେ । ସେ ଷ୍ଟେନଫୋର୍ଡ ୟୁନିଭରସିଟି ରୁ ଏମଏସର ପାଠପଢା ପୁରା କରି ବୋଷ୍ଟନ ୟୁନିଭରସିଟିରୁ ଏମବିଏ କରିଥିଲେ । ପାଠପଢାରେ ଖୁବ୍ ଭଲ ଥିଲେ ସୁନ୍ଦର ପିଚାଇ । ଗ୍ରାଜୁଏସନ ପରେ ଯେତେବେଳେ ସେ ଆମେରିକା ଗଲେ ସେତେବେଳେ ତାଙ୍କ ପିତା ଫ୍ଲାଇଟ୍ ରେ ଟିକଟ କରିବା ପାଇଁ କରଜ କରିଥିଲେ । ସେ କରଜ ଥିଲା ନିଜ ଭାଗର ଦରମା । ପୁରା ବର୍ଷକର ଦରମାକୁ ଆଗୁଆ ମାଗିଥିଲେ ନିଜ ପୁଅର ଟିକଟ କରିବା ପାଇଁ ଆଉ ବର୍ଷସାରା କେମିତି ଚଳିବେ ତାର ସାମାନ୍ୟ ବି ଚିନ୍ତା ନକରି ପୁଅର ଫ୍ଲାଇଟ୍ ଟିକଟ କଲେ । ସୁନ୍ଦର ପିଚାଇଙ୍କର ଇଚ୍ଛା ଥିଲା ତାଙ୍କ ମା ବି ତାଙ୍କ ସହ ଯାଆନ୍ତୁ କିନ୍ତୁ ସେତିକିରେ କେବଳ ଗୋଟିଏ ଟିକଟ ହିଁ ହୋଇପାରିଲା । ଆଜି ସେହି ସୁନ୍ଦର ପିଚାଇ ଚାହିଁଲେ ବର୍ଷକ ଦରମାରେ ନିଜ ଇଚ୍ଛାମୁତାବକ ୧୦ ଟି ଫ୍ଲାଇଟ୍ କିଣିପାରିବେ ।

-ଭାରତର ସବୁଠୁ ପ୍ରଖ୍ୟାତ ଆଇଆଇଟି ସଂସ୍ଥାନରେ ପାଠ ପଢିବାକୁ ଗଲେ ସୁନ୍ଦର । ସେଠାରେ ଇଂଜିନିୟରିଂ କରି ଡିଗ୍ରୀ ମଧ୍ୟ ହାସିଲ କଲେ । ଖାଲି ସେତିକି ନୁହେଁ ସେ କଲେଜରେ ସିଲଭର୍ ମେଡାଲିଷ୍ଟ ମଧ୍ୟ ଥିଲେ ।

-କଲେଜ ସମୟରେ ସୁନ୍ଦରଙ୍କର ଦେଖା ହୋଇଥିଲା ନିଜ ଭଲପାଇବା ଅଂଜଳିଙ୍କ ସହ । ଆଉ ଆଜି ସେ ତାଙ୍କ ଧର୍ମପତ୍ନୀ ମଧ୍ୟ । ଆପଣ ବୋଧ ହୁଏ ଜାଣିନଥିବେ ତାଙ୍କ ସ୍ତ୍ରୀ ପାଇଁ ସେ ଗୁଗଲ୍ ମ୍ୟାପ୍ ର ଉଦ୍ଭାବନ କରିବାରେ ସକ୍ଷମ ହୋଇଥିଲେ । ଗୋଟିଏ ସାଙ୍ଗ ଘରେ ଡିନର୍ କରିବା ପାଇଁ ଯିବାର ଥିଲା କିନ୍ତୁ ଆମେରିକାରେ ଠିକ୍ ଭାବେ ରାସ୍ତା ପାଇନଥିଲେ ବୋଲି ସେ ବିଳମ୍ବରେ ପହଂଚିଲେ ଓ ତାଙ୍କ ସ୍ତ୍ରୀ ରାଗିଯାଇଥିଲେ । ସେଇଦିନ ସେ ଅଫିସ୍ କୁ ଯାଇ ଚିନ୍ତାକଲେ ଏମିତି ଆହୁରୀ ଅନେକ ଲୋକ ଥିବେ ଯେଉଁମାନେ କି ରାସ୍ତା ନ ପାଇବା କାରଣରୁ ବିଳମ୍ବରେ ପହଂଚୁଥିବେ । ତେଣୁକରି ଏକ ମ୍ୟାପ୍ ର ବ୍ୟବସ୍ଥା କରିବା କଥା ସେ ଚିନ୍ତା କଲେ । ଆଉ ନିଜ ଟିମ୍ ସହ ମିଶି ସେ ଗୁଗଲ୍ ମ୍ୟାପ୍ ର ଆରମ୍ଭ କଲେ । ଆଉ ଧିରେ ଧିରେ ସବୁ ଜାଗାରେ ତାର ଆବଶ୍ୟକତା ବଢିଲା । ଆଜି ୭ ବିଲିୟନ ଲୋକଙ୍କ ଭିତରୁ ୨ ବିଲିୟନ୍ ଲୋକ୍ ରେଗୁଲାର୍ ଏହି ମ୍ୟାପ୍ କୁ ବ୍ୟବହାର କରୁଛନ୍ତି ।

-ଆଜି ଯେଉଁ ଜିମେଲ୍ କୁ ସାରା ଦୁନିଆ ବ୍ୟବହାର କରୁଛି ତାର ସୃଷ୍ଟିକର୍ତ୍ତା ବି ସୁନ୍ଦର ପିଚାଇ । କେବଳ ସେତିକି ନୁହେଁ ଗୁଗଲ୍ କ୍ରୋମକୁ ବି ତିଆରି କରିଥିବା ବ୍ୟକ୍ତିବିଶେଷ ହେଉଛନ୍ତି ସୁନ୍ଦର ପିଚାଇ । ପିଚାଇ ୨୦୦୪ ରୁ ଗୁଗଲ୍ ସହିତ ଉଦ୍ଭାବକ ହିସାବରେ କାମ କରିଆସୁଥିଲେ ଓ ଶେଷରେ ୨୦୧୫ରେ ତାଙ୍କୁ ସିଇଓ ପଦବୀ ମିଳିଲା । ସିଇଓ ହେବା ପରେ ଦାୟିତ୍ୱ ସରିଯାଏନି ବୋଲି ଭାବନ୍ତି ସୁନ୍ଦର ପିଚାଇ ।

-ସୁନ୍ଦର ପିଚାଇ ଦିନେ ତାଙ୍କ ଝିଅ ସହ ଗାର୍ଡେନରେ ବସିଥିବା ସମୟରେ ଗୋଟିଏ ମଜାଳିଆ ଘଟଣା ଘଟିଲା । ତାଙ୍କ ଝିଅ ୩ ରୁ ୪ଟି ଫୁଲ ଆଣି ସୁନ୍ଦରକୁ ଦେଖେଇ ସେମାନଙ୍କର ନାଁ ପଚାରିଲେ,କିନ୍ତୁ ସୁନ୍ଦରଙ୍କ ପାଖରେ କିଛି ବି ଉତ୍ତର ନଥିଲା । ଝିଅ କହିଲା କି ବାପା ତୁମେ ଏତେ ବଡ ବଡ ଜାଗାରୁ ପାଠ ପଢିଛ କିନ୍ତୁ ଏଇ ସାମାନ୍ୟ ଜିନିଷ ବିଷୟରେ ଜାଣିନ । ଏହିକଥାଟି ତାଙ୍କୁ ଗୋଟିଏ ଗଭୀର ଚିନ୍ତାରେ ପକାଇଦେଲା । ସେ ଭାବିଲେ ଆରେ ମୁଁ ଏତେ ପାଠ ପଢି ଯଦି ଏସବୁ ଜାଣିନି ତାହାଲେ ସାଧାରଣ ଲୋକେ ଏସବୁ ବିଷୟରେ କେମିତି ଜାଣିବେ । ସେଥିପାଇଁ ସେ ଚିନ୍ତାକଲେ ଏକ ନୂଆ ଜିନିଷ । ଯାହା ଥିଲା ଗୁଗଲ୍ ଲେନ୍ସ । ଗୁଗଲ୍ ଲେନ୍ସ ଦ୍ୱାରା ସେ କିଛି ଏମିତି ତିଆରି କଲେ ଯାହା ପ୍ରତି ସାଧାରଣ ବ୍ୟକ୍ତିଙ୍କ କାମରେ ଆସିଲା । ଲେନ୍ସ ମାଧ୍ୟମରେ ଯାହା ବି ସ୍କାନ କରିବେ ତାହା କେଉଁଠି କେମିତି ଓ ତାର ପୁରା ତଥ୍ୟ ସହଜରେ ମିଳିପାରୁଥିବ । ଯଦି ଆପଣ କେଉଁ ମାର୍କେଟରେ ବୁଲୁଛନ୍ତି ତାହାଲେ ଗୁଗଲ ଲେନ୍ସ ସାହାର୍ଯ୍ୟରେ ଆପଣ ସ୍କାନ କରିପାରିବେ । ଆଉ ଆପଣଙ୍କ ଜରୁରୀ ସାମାନ୍ କେଉଁଠି ମିଳିବ ତାହାର ପୁରା ତଥ୍ୟ ଗୁଗଲ୍ ସ୍କାନ ଦେଇଦେବ । ଏହିଭଳି ଦୈନନ୍ଦିନ ଜରୁରୀ ଓ ତଥ୍ୟ ଭିତ୍ତିକ ସୂଚନା ପାଇଁ ଆରମ୍ଭ ହେଲା ଗୁଗଲ ଲେନ୍ସ ।

– ଆଜି ସୁନ୍ଦର ପିଚାଇ ରହୁଛନ୍ତି ପେଲୋ ଅଲ୍ଟୋରେ । ଏହା କାର୍ଲିଫର୍ଣ୍ଣିଆର ସିଲିକନ୍ ଭେଲୀ ରେ ରହିଛି । କୁହାଯାଏ ,ଏହା ଆମେରିକାର ସବୁଠୁ ସମୃଦ୍ଧ ସହର । ୨୮୧ ମିଲିୟନ୍ ଡଲାର୍ ଦରମା ଆକାରରେ ପ୍ରତିମାସରେ ସୁନ୍ଦର ପିଚାଇଙ୍କୁ ମିଳୁଛି । ସୁନ୍ଦର ପିଚାଇ ଏହା କୁହନ୍ତି କି- ସୁଯୋଗ ନଥାଏ ସୁଯୋଗ ସୃଷ୍ଟି କରିବାକୁ ପଡେ ଆଉ ତାର ସଠିକ୍ ଉପଯୋଗ କଲେ ହିଁ ସଫଳତା ମିଳିପାରେ ।

ସୁନ୍ଦର ପିଚାଇଙ୍କ ପାଇଁ ଗର୍ବ ଅନୁଭୂତ ହୁଏ ,କାହିଁକି ବା ହେବନି । ଏତେସବୁ ନୂତନ ଆବିଷ୍କାର କରି ସେ ଜଣେ ଭାରତୀୟ ହିସାବରେ ଆମର ଗର୍ବ ବଢାଇଛନ୍ତି । ତାଙ୍କ ଜୀବନର ଆରମ୍ଭ ହିଁ ସାଧାରଣ ଥିଲା କିନ୍ତୁ ତାଙ୍କୁ ପ୍ରର୍ଯୁର୍ଯ୍ୟ ସେ ବନାଇଛନ୍ତି ।