ଏହି ଉପାୟରେ ସଞ୍ଚୟ କରନ୍ତୁ ୪୫ଟଙ୍କା ପଆନ୍ତୁ ୭ଲକ୍ଷ ଟଙ୍କା
() ସାଧାରଣତଃ ଦେଖାଯାଏ ଯେଉଁ ଘରେ ଗୋଟିଏ ଝିଅ ଥାଏ ସେ ଘରେ ବେସି ଚିନ୍ତା ମଧ୍ୟ ଥାଏ । ଝିଅର ପାଠ ପଢ଼ା ଠାରୁ ଆରମ୍ଭ କରି ବିବାହ ପର୍ଯ୍ୟନ୍ତ ବାପା ମାଆଙ୍କୁ ଚିନ୍ତା ଲାଗି ରହିଥାଏ, କି ଏତେ ଟଙ୍କା କୁଆଡୁ ଆସିବ କେମିତି କଣ ସବୁ ସୁବିଧା ହେବ । କିନ୍ତୁ ଏବେ ଆପଣ ହେବାକୁ ଯାଉଛନ୍ତି ଚିନ୍ତା ମୁକ୍ତ । କାରଣ କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ ସୁକନ୍ୟା ସମୃଦ୍ଧି ଯୋଜନା ଦ୍ୱାରା ଆପଣ ପୁଞ୍ଜି ବିନିଯୋଗ କରି ଆପଣ ଆପଣଙ୍କ ଝିଅକୁ ଉଚ୍ଚ ଶିକ୍ଷା ଯୋଗାଇବା ସହ ତାର ବିବାହ ମଧ୍ୟ କରିପାରିବେ । ଆଜି ଆମେ ଆପଣଙ୍କୁ କହିବାକୁ ଯାଉଛୁ କିପରି ଆପଣ ସଞ୍ଚୟ କରିପାରିବେ । ପ୍ରତିଦିନ ମାତ୍ର ୪୫ଟଙ୍କା ସଞ୍ଚୟ କରି ୭ଲକ୍ଷ ଟଙ୍କା ପର୍ଯ୍ୟନ୍ତ ଆପଣ କରିପାରିବେ ସଞ୍ଚୟ ।
ବିନିଯୋଗ କିପରି କରିପାରିବେ: ଆପଣ ଯଦି ଏକ ବଡ଼ ଅର୍ଥ ସଞ୍ଚୟ କରିବାକୁ ଚାହୁଁଛନ୍ତି, ତେବେ ପ୍ରଥମେ ଆପଣଙ୍କୁ କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ ସୁକନ୍ୟା ସମୃଦ୍ଧି ଯୋଜନା ବା SSYରେ ପୁଞ୍ଜି ବିନିଯୋଗ ଆରମ୍ଭ କରିବାକୁ ପଡ଼ିବ । ସରକାରଙ୍କ ଦ୍ୱରା ଝିଅ ମାନଙ୍କ ପାଇଁ ୨୦୧୫ରେ ଏହି ଯୋଜନା ଲାଗୁ କରାଯାଇଥିଲା । ଏହି ଯୋଜନା ମାଧ୍ୟମରେ ଆପଣ ଏକ ନାମ ସହିତ ଏକ ଆକାଉଣ୍ଟ ମଧ୍ୟ ଖୋଲିପାରିବେ । ଏନେଇ ସରକାର ଜମା ରାଶି ଉପରେ ୭.୬୦% ହାରରେ ସୁଧ ମଧ୍ୟ ଦିଅନ୍ତି । ଯାହାକି ଆପଣଙ୍କୁ ଆଉ ଏକ ସାହାର୍ଯ୍ୟ ମିଳିପାରିବ ।
ଦିନକୁ ସଞ୍ଚୟ କରିବେ ୪୫ଟଙ୍କା: ଯଦି ଆପଣ ୭ଲକ୍ଷ ଟଙ୍କା ସଞ୍ଚୟ କରିବାକୁ ଚାହୁଁଛନ୍ତି ତେବେ ଆପଣଙ୍କୁ ଦିନକୁ ୪୫ଟଙ୍କ ସଞ୍ଚୟ କରିବାକୁ ପଡ଼ିବ । ଯାହାକି ମାସକୁ ୧୩୭୫ ଟଙ୍କା ଏବଂ ବର୍ଷକୁ ୧୬,୫୦୦ ଟଙ୍କା ଦେବାକୁ ପଡ଼ିବ । ଯାହାକି ଆପଣଙ୍କ ପାଇଁ ସହଜ ହେବ । ଯାହାର ପରିପକ୍ୱତା ବର୍ଷ ହେଉଛି ୨୦୪୩ । ଏହି ଯୋଜନା ଅନୁଯାୟୀ ଆପଣ ଆର୍ଥିକ ୧.୫ଲକ୍ଷ ଟଙ୍କା ପର୍ଯ୍ୟନ୍ତ ଜମା କରିପାରିବେ । ଏହି ସମୟରେ ୧୯୬୧ର ଧାରା ୮୦c ଅନୁଯାୟୀ ଆପଣ ୧.୫ଲକ୍ଷ ଟଙ୍କା ପୁଞ୍ଜି ବିନିଯୋଗ ଉପରେ ଟ୍ୟାକ୍ସ ଛାଡ଼ ଦାବି ମଧ୍ୟ କରିପାରିବେ ।
ଏହି ଆକାଉଣ୍ଟ ଆପଣ ଯେକୌଣସି ଡାକଘର କିମ୍ବା କିଛି ବ୍ୟାଙ୍କ ଶାଖାରେ ଖୋଲିପାରିବେ । କେବଳ ବାପା ମାଆଙ୍କ ଦୁଇ ଝିଅ ଏକ ଆକାଉଣ୍ଟ ଖୋଲିପାରିବେ । ସେହି ସମୟରେ ଝିଅର ବୟସ ୧୦ ବର୍ଷ ପର୍ଯ୍ୟନ୍ତ ହେବର ଆବଶ୍ୟକ ରହିଛି । ତେବେ ଏହି ଯୋଜାନ ଦ୍ୱାରା ଅନେକ ଲୋକଙ୍କୁ ସାହାର୍ଯ୍ୟ ମିଳିପାରିବ । ଖାସ କରି ସେଇ ଲୋକମାନେ ଯେଉଁ ମାନଙ୍କର ଆର୍ଥିକ ସ୍ଥିତ ଦୁର୍ବଳ ରହିବା କାରଣରୁ ସେମାନେ ଝିଅ ମାନଙ୍କୁ ବୋଝ ଭାବି ପାଠ ପଢ଼ାଇବାକୁ ଚାହାନ୍ତି ନାହିଁ କିମ୍ବା ଉପଯୁକ୍ତ ବୟସ ପୂର୍ବରୁ ଉପଯୁକ୍ତ ବର ଦେଖି ବିବାହ କରିଦେଇଥାନ୍ତି ।
