ଓଡ଼ିଶାରେ ଆଜି ଠାରୁ ଆରମ୍ଭ ହେଲା ଏମବିବିଏସ୍ ଓ ବିଡିଏସ୍ ପାଇଁ ନାମଲେଖା
() ଆମ ସମାଜରେ ଚାକିରୀ କରିବାର ବିଭିନ୍ନ ପନ୍ଥା ରହିଛି । କିନ୍ତୁ ସବୁ ପ୍ରକାରର ଚାକିରୀ କରିବା ପାଇଁ ଅଲଗା ଅଲଗା ପରିଶ୍ରମ ବି ଲାଗିଥାଏ । ସେହି ପରିଶ୍ରମକୁ ନେଇ ହିଁ ସଫଳତା ମିଳେ । ଏଇ ଯେମିତି ଜଣେ ଶିକ୍ଷକ ହେବାକୁ ଚାହିଁଲେ ଯେମିତି ପରିଶ୍ରମ ଲାଗେ ଜଣେ ଡାକ୍ତର ହେବାକୁ ଚାହିଁଲେ ତା ଠାରୁ ଅଧିକ ପରିଶ୍ରମ ଲାଗିଥାଏ । ସେଥିପାଇଁ ବହୁତ ଜଣ ଅନେକ ବର୍ଷ ଯାଏଁ ଏହିଭଳି ଚାକିରୀ କରିବା ପାଇଁ ଅକ୍ଲାନ୍ତ ପରିଶ୍ରମ କରିଥାନ୍ତି ।
ଆଉ ଶେଷରେ ଜଣେ ଭଲ ଡାକ୍ତର ହୋଇ ସମାଜରେ ରୋଗୀଙ୍କୁ ସୁସ୍ଥ କରିବାର ଦାୟିତ୍ୱ ନିଅନ୍ତି । ତେବେ ଯଦି ଆପଣ ସେମିତି ଭବିଷ୍ୟତ ପାଇଁ ପ୍ରସ୍ତୁତି କରୁଛନ୍ତି ତାହାଲେ ଆଜିର ସୂଚନା ଆପଣଙ୍କ ପାଇଁ । ତେବେ ଆପଣ ଦେଇଛନ୍ତି କି ନିଟ ପରୀକ୍ଷା ଏବଂ ପଢ଼ିବାକୁ ଚାହୁଛନ୍ତି ଏମବିବିଏସ୍ କିମ୍ବା ବିଡିଏସ୍ । ଓଜେଇ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି ।
ଓଜେଇ ପକ୍ଷରୁ ପ୍ରକାଶ ପାଇଥିବା ବିଜ୍ଞପ୍ତିରେ ଉଲ୍ଲେକ ରହିଛି ଯେ ଓଡ଼ିଶାରେ ଥିବା ମେଡିକାଲ କଲେଜରେ ଏମବିବିଏସ୍ ଓ ବିଡିଏସ୍ ନାମଲେଖା ପାଇଁ ପଞ୍ଜୀକରଣ ପ୍ରକ୍ରିୟା ଆଜି ଠାରୁ ଆରମ୍ଭ ହୋଇଯାଇଛି । ଓଡ଼ିଶାର ଯେଉଁ ପ୍ରାର୍ଥୀମାନେ ନିଟ୍ ମେରିଟ୍ ଲିଷ୍ଟରେ ସ୍ଥାନ ପାଇଛନ୍ତି ସେମାନେ ଏଥିପାଇଁ ପଞ୍ଜୀକରଣ କରିପାରିବେ । ଅନ୍ୟ ରାଜ୍ୟର ଆଗ୍ରହୀ ଛାତ୍ରଛାତ୍ରୀ ମାନେ ଏନଆରଆଇ କୋଟାରେ ନାମ ଳେଖାଇବା ପାଇଁ ଆବେଦନ କରିପାରିବେ ।
ଏହି ପକ୍ରିୟା ଆଜି ଠାରୁ ମାନେ ୩୦ ସେପ୍ଟେମ୍ବର ଅପରାହ୍ନ ୪ଟାରୁ ଅକ୍ଟୋବର ୧୦ ତାରିଖ ପୂର୍ବାହ୍ନ ୧୧ଟା ୫୯ ମିନିଟ ଭିତରେ ଅନଲାଇନ ପଞ୍ଜୀକରଣ କରିପାରିବେ । ନିଜର ଆବଶ୍ୟକ ଡକ୍ୟୁମେଣ୍ଟ ଅପଲୋଡ କରିପାରିବେ ଓ ଫିସ ମଧ୍ୟ ଦାଖଲ କରିପାରିବେ । ପରେ ଡକ୍ୟୁମେଣ୍ଟର ଯାଞ୍ଚ ହେବା ପରେ ଅକ୍ଟୋବର ୧୮ ତରିଖ ୫ଟା ବେଳେ ଫାଇନାଲ ମେରିଟ ଲିଷ୍ଟ ପ୍ରକାଶ ପାଇବ । ଏହି ବିଜ୍ଞପ୍ତିରେ ଏହା ମଧ୍ୟ ଉଲ୍ଲେକ ରହିଛି ଯେ ନିର୍ଦ୍ଧିଷ୍ଟ ସମୟରେ ନାମଲେଖା ପାଇଁ କାଉନସେଲିଂ ଅନୁଷ୍ଠିତ ହେବ।
