୬ଭାରତୀୟ Entrepreneure ସଫଳତାର କାହାଣୀ, ଯାହା ଆପଣଙ୍କୁ ପ୍ରେରଣା ଦେବ

କୌଣସି ବି ବ୍ୟବସାୟ ବର୍ଷେ ଦୁଇବର୍ଷ ମଧ୍ୟରେ ସଫଳତାର ଚରମ ସୀମାରେ ପହଞ୍ଚେନାହିଁ ବରଂ ଏଥିପାଇଁ ଅନେକ ବର୍ଷର ସମୟ ଲାଗେ । ବ୍ୟବସାୟ କରିବା ଯେତେ କଷ୍ଟ ହୋଇଥାଏ ସେମିତି ସଫଳତାର ସହ ଆଗକୁ ବଢ଼ିବା ମଧ୍ୟ କଷ୍ଟ ହୋଇଥାଏ । ଏଭଳି ପରିସ୍ଥିତିରେ ଅନେକ ଲୋକ ବିଜନେସ୍ କରିବାକୁ ଚାହାଁନ୍ତି କିନ୍ତୁ ଯେତେବେଳେ ସେମାନେ ବିଫଳତା ଆଡ଼େ ମୁହାଁନ୍ତି ସେତେବେଳେ ସେହି କାମ ଛାଡ଼ିଦିଅନ୍ତି । କିନ୍ତୁ ଏମିତି ଅନେକ ଲୋକ ଅଛନ୍ତି ଯେଉଁମାନେ ବିଫଳତାର ସାମ୍ନା କରି ମଧ୍ୟ ହାର ମାନି ନାହାଁନ୍ତି । ଆଉ ପରେ କିଛି ଏମିତି କରି ଦେଖାଇଛନ୍ତି ଯେ ଆଜି ପୁରା ଭାରତ ତାଙ୍କୁ ଜାଣିଛି । ଆଜି ଆମେ ସେହିଭଳି ୬ଜଣ ବିଜନେସ୍ ମ୍ୟାନଙ୍କ କଥା କହିବୁ ଯାହାଙ୍କ ସଫଳତାର କାହଣୀ ଆପଣଙ୍କୁ ପ୍ରେରଣା ଦେବ ।
ଆମ ସମସ୍ତଙ୍କର ନିଜର କିଛି ନା କିଛି ଲକ୍ଷ ରହିଛି, ତାକୁ ପୁରଣ କରିବା ରାସ୍ତାରେ ସବୁବେଳେ ବିଫଳତାକୁ ସାମ୍ନା କରିବାକୁ ପଡ଼ିଥାଏ ଏହା ନିର୍ଦ୍ଧାରିତ । ତେଣୁ ଏହି ସମୟରେ ଅନେକ ଲୋକ ହାର ମାନିଯାଇଥାନ୍ତି, ପଛଘୁଞ୍ଚା ଦେଇଦେଇଥାନ୍ତି । ଏଭଳି ପରିସ୍ଥିତିରେ ଆପଣ ଯଦି ଜାଣିବେ ଆପଣ ଯାହାକୁ ଆପଣଙ୍କ ପ୍ରେରଣା ବୋଲି ଭାବୁଛନ୍ତି, ସେ ଆପଣଙ୍କ ଠାରୁ ଅନେକ ଥର ବିଫଳତାର ସାମ୍ନା କରି ମଧ୍ୟ ଆଜି ସଫଳତାକୁ ଛୁଇଁ ପାରିଛନ୍ତି । ତେବେ ତାହା ନିଶ୍ଚିନ୍ତ ଆପଣଙ୍କ ପାଇଁ ଗୋଟିଏ ପ୍ରେରଣା ସାବ୍ୟସ୍ତ ହେବ ।

ରତନ ଟାଟା:

ରତନ ଟାଟା ବା ରତନ ନବଲ ଟାଟା । ଆଜି ରତନ ଟାଟାଙ୍କୁ କିଏ ନଜାଣିଛି, ଭାରତ ହେଉ କି ଭାରତ ବାହାରେ ସମସ୍ତେ ରତନ ଟାଟାଙ୍କୁ ଜାଣନ୍ତି । ଟାଟା ଗ୍ରୁଫର ଚେୟାରମ୍ୟାନ୍ ହେଉଛନ୍ତିି ରତନ ଟାଟା । ଯିଏ କି ୧୯୩୭ ଡିସେମ୍ବର ୨୮ରେ ସୁରତରେ ଜନ୍ମ ଗ୍ରହଣ କରିଥିଲେ । ପରେ ସେ ଆମେରିକାର କର୍ଣ୍ଣଲ ବିଶ୍ୱବିଦ୍ୟାଳୟରେ ପାଠ ପଢ଼ା ଶେଷ କରିଥିଲେ । ୧୯୬୧ରେ ସେ ତାଙ୍କ ଘରର ବ୍ୟବସାୟ ଟାଟା କମ୍ପାନୀର ଟାଟା ଷ୍ଟିଲରେ ଯୋଗ ଦେଲେ । ଯେଉଁଠି ସେ ଗୋଟିଏ ସାଧାରଣ କର୍ମଚାରୀ ଭାବେ କାମ କରିଥିଲେ, ପରେ ଧିରେ ଧିରେ ସେ ଉପରକୁ ଉଠିଲେ ଓ ନିଜର ଦକ୍ଷତା ବିଷୟରେ ଜାଣିଲେ । ପରେ ତାଙ୍କୁ ୧୯୭୧ରେ NELCO କମ୍ପାନୀ ଯାହାକି ଏକ ରେଡିଓ କମ୍ପାନୀ ଥିଲା, ତାକୁ ସମ୍ଭାଳିବାକୁ ଦିଆଗଲା । ଯାହାକି ସେତେବେଳେ ବହୁତ କ୍ଷତିରେ ଚାଲିଥିଲା ୨% ସେୟାର ସହ । ସେତେବେଳେ ରତନ ଟାଟା ସାଟେଲାଇଟ୍ କମ୍ୟୁନିକେଶନରେ ନୂଆ ଟେକ୍ନୋଲୋଜି ବ୍ୟବହାର କରିଥିଲେ । ଯାହାକି ୧୯୭୫ ବେଳକୁ NELCO ର ମାର୍କେଟ ସେୟାର ୨୦% ହୋଇଗଲା । କିନ୍ତୁ ପରେ NELCO କୁ କିଛି କାରଣ ପାଇଁ ବନ୍ଦ କରିବାକୁ ପଡ଼ିଲା । ପରେ ତାଙ୍କୁ Empresss Mill ଦିଆଗଲା ଯାହା କ୍ଷତିରେ ଚାଲିଥିଲା ଯାହାକୁ ସେ ଗୋଟିଏ ଭଲ ସ୍ଥାନକୁ ଆଣିସାରିଥିଲେ । କିନ୍ତୁ ଏଠି ବି ପୁଣି ବିଫଳତାକୁ ସାମ୍ନା କରିବାକୁ ପଡ଼ିଲା ରତନ ଟାଟାଙ୍କୁ, ଏହି କମ୍ପାନୀକୁ ବନ୍ଦ କରିବାକୁ ପଡ଼ିଲା । ମାତ୍ର ଏହି ସବୁ ଜିନିଷରୁ ଜଣା ପଡ଼ିଯାଇଥିଲା କି ରତନ ଟାଟା କଣ କରିପାରିବେ । ତେଣୁ ୧୯୯୧ ରେ ରତନ ଟାଟାଙ୍କୁ ଟାଟା ଇଣ୍ଡଷ୍ଟ୍ରିର ଚେୟାରମ୍ୟାନ କରାଗଲା । ସେହି ସମୟରେ ଫାଇନାନ୍ସ ମିନିଷ୍ଟର ମନମୋହନ ସିଂହ ଭାରତର ଅର୍ଥନୀତି ପାଇଁ ଘୋଷଣା କରିଥିଲେ ଯେ ଅନ୍ୟଦେଶ ମାନଙ୍କ ପାଇଁ ମଧ୍ୟ ଭାରତର ମାର୍କେଟ ଖୋଲାଯିବ । ସେହି ସମୟରେ ରତନ ଟାଟା ଏହାର ଓଲଟା କରିବାକୁ ଯାଇ ଟାଟା ସନ୍ସର ମାଲିକାନାକୁ ବଢ଼େଇ ଚାଲିଲେ । ଯାହାଫଳରେ କୌଣସି ବାହାର ଦେଶର କମ୍ପାନୀ ଟାଟା କମ୍ପାନୀକୁ କିଣି ପାରିବ ନାହିଁ । ଯେଉଁ ନିଷ୍ପତି ଟାଟା ସନ୍ସ ପାଇଁ ଭଲ ସାବ୍ୟସ୍ଥ ହେଲା । ଏମିତି କି ଟାଟା କମ୍ପାନୀ ବାହାର ଦେଶର କମ୍ପାନୀକୁ କିଣିବାକୁ ଲାଗିଲା । ଯେମିତି କି UKର କାର ତିଆରି କମ୍ପାନୀ Ford Motters ର Jaguar ଓ Land Rover । ପୂର୍ବରୁ ଟାଟା କମ୍ପାନୀ Ford Motters ପାଖକୁ ଯାଇଥିଲା ନିଜର ପ୍ୟାସେଞ୍ଜର କାରର ଇଣ୍ଡିକା କ୍ଷେତ୍ରକୁ ବିକିବାକୁ । ମାତ୍ର Ford Motters କମ୍ପାନୀର ମାଲିକ Bill Ford ତାଙ୍କୁ ପରିହାସ କରି କହିଥିଲେ କି ମୁଁ ତୁମ ଉପରେ ଦୟା କରିବି ଯଦି ତୁମର ଏହି କ୍ଷେତ୍ରକୁ କିଣିଲି, ଏହା ପରେ ଇଣ୍ଡିକାକୁ ରତନ ଟାଟା ଆଉ ବିକିଲେନି । ଏହା ପରେ ରତନ ଟାଟାଙ୍କୁ ସେଠି ମିଳିଥିବା ଅପମାନକୁ ସେ ଉପଦେଶ ଭାବେ ଗ୍ରହଣ କରି ଇଣ୍ଡିକା କାର ତିଆରି କରଥିିଲେ । ପରେ Ford Mottersର Jaguar ଓ Land Rover କୁ ବିକ୍ରିକଲା ଇଣ୍ଡିକାକୁ । ସେହିଭଳି ୧୦ ଜାନୁଆରୀ ୨୦୦୮ରେ ରତନ ଟାଟା ଭାରତରେ ଲଞ୍ଚ କରିଥିଲେ ନାନୋ କାର । ଯାହା ମାତ୍ର ୧ଲକ୍ଷ ଟଙ୍କା ଥିଲା, ଦୁନିଆର ସବୁଠାରୁ ଶସ୍ତା କାର । ସେ ଚାହୁଁଥିଲେ ମିଡିଲ କ୍ଲାସ ଲୋକ ମଧ୍ୟ କାର କିଣିପାରନ୍ତୁ । ଏହା ପୂର୍ବରୁ ୨୦୦୩ରେ ରତନ ଟାଟା ଗୋଟିଏ ସ୍କୁଟରରେ ବସିଥିବା ଗୋଟିଏ ପରିବାରକୁ ଦେଖିଥିଲେ । ଯେଉଁଥିରେ ୪ଜଣ ବସିଥିଲେ ଏବଂ ବର୍ଷା ହେଉଥିବା ବେଳେ ଛତାର ସାହାର୍ଯ୍ୟ ନେଇ ନିଜକୁ ସମ୍ଭାଳୁଥିଲେ । ଏହି ଦୃଶ୍ୟ ଦେଖିଲା ପରେ ରତନ ଟାଟା ନାନୋ କାର ତିଆରି କରିବାର ଆଇଡିଆ ପାଇଥିଲେ । ଏହି କାହାଣୀ ସେ ନାନୋ କାର ଲଞ୍ଚ କଲାବେଳେ କହିଥିଲେ । କିନ୍ତୁ ଏହାର ମାର୍କେଟିଂ ଷ୍ଟ୍ରାଟେଜି ଖରାପ ଥିବା କାରଣରୁ ଅନେକ କ୍ଷତି ସହିବାକୁ ପଡ଼ିଲା ନାନୋକୁ । ଏଭଳି ଅନେକ ବିଫଳତାକୁ ସାମ୍ନା କଲା ପରେ ଟାଟା କମ୍ପାନୀକୁ ଆଜିର ସମୟରେ କିଏ ନଜାଣିଛି । ଆଜିର ସମୟରେ ପୁରା ଦୁନିଆରେ ଟାଟାର ୧୦୦ରୁ ଅଧିକ କମ୍ପାନୀ ଅଛି, ୪% ଟାଟା କମ୍ପାନୀ ଜିଡିପିକୁ ଦିଏ, ସରକାରଙ୍କୁ ବର୍ଷକୁ ୫୦ ହଜାର କୋଟି ଟଙ୍କା ଟ୍ୟାକ୍ସ ଦିଏ । ଏହି ସବୁ ସମ୍ଭବ ହୋଇଛି କେବଳ ରତନ ଟାଟାଙ୍କର ଉଚିତ୍ ବିଚାରଧାରା ପାଇଁ ।

ଗୌତମ ଅଦାନୀ:

ଅଦାନୀ ଗ୍ରୁଫ୍‌ର ମାଲିକ ଗୌତମ ଅଦାନୀ, ଏହି ନା’ ଟି ଆପଣ ନିଶ୍ଚୟ ଶୁଣିଥିବେ । କାହିଁକି ନା, ଇଏ ସେହି ବ୍ୟକ୍ତିତ୍ୱ ଯିଏ କି ରିଲାଏନ୍ସ ଇଣ୍ଡଷ୍ଟ୍ରିର ମାଲିକ ମୁକେଶ ଅମ୍ବାନୀଙ୍କୁ କଡ଼ା ଟକ୍କର ଦେଉଛନ୍ତି । ଗୌତମ ଅଦାନୀଙ୍କ କାହାଣୀ ଆପଣଙ୍କୁ ନିଶ୍ଚୟ ପ୍ରେରଣା ଯୋଗାଇବ । ୧୯୬୨ ମସିହା ଜୁନ୍ ୨୪ ତାରିଖରେ ଗୁଜୁରାଟର ଅହମ୍ମଦାବାଦରେ ଗୌତମ ଅଦାନୀ ଜନ୍ମ ଗ୍ରହଣ କରିଥିଲେ । ତାଙ୍କ ପିତାଙ୍କ ବ୍ୟବସାୟ ବହୁତ ଛୋଟ ଥିଲା, ଯେଉଁଥିରେ ଚଳିବା ମଧ୍ୟ କଷ୍ଟକର ଥିଲା । ସେଥିପାଇଁ ଅଦାନୀଙ୍କୁ ଅଧାରୁ ପାଠ ପଢ଼ା ଛାଡ଼ିବାକୁ ପଡ଼ିଲା । ପରେ ୧୯୭୮ରେ କାମ କରିବାକୁ ସେ ଅହମ୍ମଦାବାଦରୁ ମୁମ୍ବାଇ ଆସିଲେ । କିଛି ସମୟ ପରେ ହୀରା ସପ୍ଲାଏ କରୁଥିବା ଗୋଟିଏ ସଂସ୍ଥାରେ ତାଙ୍କୁ ଚାକିରୀ କରିବାର ସୁଯୋଗ ମିଳିଲା । ୩ବର୍ଷ ସେଠି କାମ କରିବା ପରେ ସେ ଚାକିରୀ ଛାଡ଼ି ନିଜର କିଛି କରିବା ପାଇଁ ସ୍ଥିର କରିଲେ ଏବଂ ଜବେରୀ ବଜାରରେ ହୀରା ବ୍ରୋକେଜ୍ କମ୍ପାନୀ ଆରମ୍ଭ କରିଲେ, ଯାହାକି ଅନେକ ଲାଭଦାୟ ସାବ୍ୟସ୍ଥ ହେଲା । ପରେ ୧୯୮୧ରେ ଅଦାନୀଙ୍କ ନା’ ହେବା ଆରମ୍ଭ ହେଲା, ସେତେବେଳେ ତାଙ୍କ ବଡ଼ ଭାଇ ତାଙ୍କୁ ଅହମ୍ମଦାବାଦକୁ ଡାକିଲେ, ତାଙ୍କ ବଡ଼ ଭାଇ ଜିନିଷକୁ ଘୋଡ଼େଇବା ପାଇଁ ଗୋଟିଏ ପ୍ଲାଷ୍ଟିକ୍ କମ୍ପାନୀ କିଣିଥିଲେ । କିନ୍ତୁ ତାଙ୍କ ଏହି କମ୍ପାନୀ ବହୁତ କ୍ଷତି ସହୁଥିଲା କାରଣ ପ୍ଲାଷ୍ଟିକ ତିଆରି କରିବା ପାଇଁ ଯେଉଁ କଞ୍ଚା ଜିନିଷ ଦରକାର ହେଉଥିଲା ତାକୁ ବାହାର ଦେଶରୁ ଆଣିବାକୁ ପଡ଼ୁଥିଲା । ତେଣୁ ସେ ଗୁଜୁରାଟର କାଣ୍ଡଲା ପୋର୍ଟ କିଣି ସେଠାରେ ପ୍ଲାଷ୍ଟିକ୍ ତିଆରି କରିବା କମ୍ପାନୀ କଲେ । ପରେ ୧୯୮୮ରେ Adani Export ନା’ରେ ଗୋଟିଏ କମ୍ପାନୀ ଖୋଲିଲେ ଯାହାର ପରବର୍ତ୍ତୀ ନା’ Adani Enterprises ରଖାଗଲା । ଏହି କମ୍ପାନୀରେ ଷ୍ଟିଲ୍‌, କୃଷି ପାଇଁ ଜିନିଷ ଓ କପଡ଼ା ତିଆରି ଗଲା, ଯାହା କି ତାଙ୍କ ପାଇଁ ଗୋଟିଏ ନା ସୃଷ୍ଟି କରିଲା । ପରେ ୧୯୯୪ରେ ସେୟାର ବଜାରରେ ତାଙ୍କ କମ୍ପାନୀକୁ ସାମିଲ କରାଗଲା । ୧୯୯୫ରେ ଗୁଜୁରାଟ ସରକାର ନିଜ ପୋର୍ଟର ବିକାଶ କରିବା ପାଇଁ ଗୋଟିଏ ବେସରକାରୀ କମ୍ପାନୀ ଖୋଜୁଥିଲା ଅଦାନୀ ସେହି ସମୟରେ ମୁର୍ଣ୍ଡା ପୋର୍ଟକୁ କିଣିନେଲେ । ପରେ ୧୯୯୮ରେ ସେ Adani Ports and Logistics କମ୍ପାନୀ ଆରମ୍ଭ କରିଲେ । ଆଜିର ସମୟରେ ଭାରତର ସବୁଠାରୁ ବେସରକାରୀ ପୋର୍ଟ ହେଉଛି ଏହି ମୁର୍ଣ୍ଡା ପୋର୍ଟ । ଏଥିରେ ଅନେକ ଲାଭ କଲା ପରେ ଧିରେ ଧିରେ ଗ୍ରୋସରୀର କ୍ଷେତ୍ରରେ ପାଦ ଦେଲେ । ଯାହାଫଳରେ ଆଜି ତାଙ୍କ କମ୍ପାନୀ ଫର୍ଚୁନ୍ ତେଲ, ଚାଉଳ, ସୋୟାବିନ୍‌, ଡାଲି, ଅଟା ଭଳି ଅନେକ ଜିନିଷ ତିଆରି କରୁଛି । ପରେ ଅଦାନୀ କମ୍ପାନୀ ମାନଙ୍କରେ ଆଲୋକର ଅସୁବିଧା ନ ହେବା ପାଇଁ ଗୋଟିଏ ବଡ଼ ପାୱାର ପ୍ଲାଣ୍ଟକୁ ଆରମ୍ଭ କରାଇଲେ । ଯାହା ଫଳରେ ସେ ନିଜ କମ୍ପାନୀ ସହ ଅନ୍ୟ ରାଜ୍ୟ ମାନଙ୍କୁ ଆଲୋକ ଯୋଗାଇବା ମଧ୍ୟ ଆରମ୍ଭ କରିଲେ । ଏତେ ବଡ଼ ପାୱାର ପ୍ଲାଣ୍ଟକୁ ଚଲେଇବା ପାଇଁ ବଡ଼ ମାତ୍ରାରେ କୋଇଲା ଦରକାର ହେଉଥିଲା । ସେଥିପାଇଁ ସେ ଅଷ୍ଟ୍ରେଲିଆର ଗୋଟିଏ କୋଇଲା ମାଇନ୍ସକୁ କିଣିଲେ । ୨୦୧୭ରେ ସୋଲାର ପ୍ୟାନେଲ ତିଆରି ହେଉଥିବା କମ୍ପାନୀ ମଧ୍ୟ ଆରମ୍ଭ କଲେ । ପୋର୍ଟ ଏବଂ ପ୍ରାଇଭେଟ ରେଳଲାଇନ୍ ଛଡ଼ା ପରେ ୨୦୧୯ରେ ଏୟାର ପୋର୍ଟର ସଞ୍ଚାଳନ କରିବା ଆରମ୍ଭ କରିଦେଲେ । ଏଭଳି ଧିରେ ଧିରେ ଅଦାନୀ ଆଜି ପର୍ଯ୍ୟନ୍ତ ଆଗକୁ ବଢ଼ି ଚାଲିଛନ୍ତି । ଆଜିର ସମୟରେ ଗୌତମ ଆଦାନୀଙ୍କ ନେଟ୍ ୱର୍ଥ ୬୨ ବିଲିୟନ୍ ଡଲାର ରହିଛି ।

ମୁକେଶ ଅମ୍ବାନୀ:

ଆଜିର ସମୟରେ ମୁକେଶ ଅମ୍ବାନୀକୁ କିଏ ବା ନଜାଣିଛି, ଭାରତର ସବୁଠାରୁ ଧନୀ ବ୍ୟକ୍ତି ହେଉଛନ୍ତି ମୁକେଶ ଅମ୍ବାନୀ । ମୁକେଶ ଅମ୍ବାନୀ ୧୯୫୭ ମସିହା ଏପ୍ରିଲ ୧୯ରେ ୟମନ୍‌ରେ ଜନ୍ମ ଗ୍ରହଣ କରିଥିଲେ ଏବଂ ସେଠାରେ ହିଁ ପାଠ ପଢ଼ୁଥିଲେ । କିନ୍ତୁ ପିତାଙ୍କ କମ୍ପାନୀ ଭଲ ଚାଲୁନଥିବା ଦେଖି ସାହାର୍ଯ୍ୟ କରିବା ପାଇଁ stanford university ରୁ MBA ପାଠପଢ଼ା ଅଧାରୁ ଛାଡ଼ି ଭାରତ ଆସିଗଲେ ମୁକେଶ । ଫଳରେ ମୁକେଶଙ୍କ ପରିଶ୍ରମ ଓ ବ୍ୟବସାୟ କରିବାର ଅଭିନବ ପ୍ରୟାସ ଦ୍ୱାରା ପିତାଙ୍କ ପଲିଷ୍ଟର ବ୍ୟବସାୟ ଆଗକୁ ବଢ଼ିଚାଲିଲା ଓ ବହୁତ ବଡ଼ ଶିଳ୍ପ ମଧ୍ୟ ହୋଇଗଲା । ପରେ ମୁକେଶ ପରିବାରର ବ୍ୟବସାୟ ଆଗକୁ ବଢ଼େଇବାକୁ ଯାଇ ପେଟ୍ରୋକେମିକାଲ କ୍ଷେତ୍ରରେ ଆଗକୁ ବଢ଼ି ସଫଳତାର ଶିଖରରେ ପହଞ୍ଚାଇଲେ । ସେହିଭଳି ୨୦୦୨ରେ Reliance Infocomm Limited କମ୍ପାନୀର ସ୍ଥାପନା କରିଲେ ପରେ ଯାହାର ନା’ ବଦଳାଇ ଜReliance Industries Limited କରିଦିଆଗଲା । ୨୦୧୬ରେ ଜReliance Jio ସ୍ଥାପନା କରି ଟେଲିକମ୍ ଶିଳ୍ପରେ ବଡ଼ ନା’ କରିପାରିଲେ । ଯେଉଁଠି 3G ଚାଲିବା କଷ୍ଟ ହେଉଥିଲା ସେଇଠି 4G ନେଟ୍‌ୱର୍କ ପହଞ୍ଚାିବା ତା ବି ପୁଣି ଛୋଟରୁ ଛୋଟ ଗାଁରେ ପହଞ୍ଚାଇବା ତାଙ୍କ ପାଇଁ ଗୋଟିଏ ବଡ଼ ଚ୍ୟାଳେଞ୍ଜ ଥିଲା । ସେହି ସମୟରେ Jio Sim ଫ୍ରିରେ ଦିଆଯାଉଥିଲା । ପରବର୍ତ୍ତୀ ସମୟରେ ୨୦୧୯ରେ Jio Sim ସହ Jio Mobile ମଧ୍ୟ ଲଞ୍ଚ କରାଗଲା । ଯାହା ଫଳରେ ଗୋଟିଏ ଗରିବ ଶ୍ରେଣୀର ବ୍ୟକ୍ତି ମଧ୍ୟ ନେଟ୍ ବ୍ୟବହାର କରିପାରୁଥିଲା । ପରେ Jio ଭାରତର ସବୁଠାରୁ ବଡ଼ ଟେଲିକମ୍ୟୁନିକେଶନ କମ୍ପାନୀ ହୋଇଗଲା । ଆଜିର ସମୟରେ ମୁକେଶ ଅମ୍ବାନୀଙ୍କ ନେଟ୍ ୱର୍ଥ ୧୦୪ ବିଲିୟନ୍ ଡଲାର ରହିଛି ।

କରସନ ଭାଇ ପଟେଲ:

ଜୀବନରେ କିଛି କରି ଦେଖେଇବା ପାଇଁ କୌଣସି ଉଚିତ ସମୟ କି ଦକ୍ଷତା ନଥାଏ । ଥାଏ ତ କେବଳ କିଛି କରି ଦେଖେଇବାର ଇଚ୍ଛା । ଏହି ମନୋଭାବ ରଖି ଆଗକୁ ବଢ଼ିଛନ୍ତି ଟିଭିରେ ବିଜ୍ଞାପନ ସମୟରେ ଦେଖିଥିବା ସର୍ଫ ନିର୍ମାର ଚେୟାରମ୍ୟାନ କରସନଭାଇ ପଟେଲ । କରସନଭାଇ ପଟେଲଙ୍କ ସଫଳତାର କାହାଣୀ ଆପଣଙ୍କୁ ନିଶ୍ଚୟ ପ୍ରେରଣା ଦେବ । କରସନଭାଇ ୧୯୪୫ ଏପ୍ରିଲ ୧୩ ରେ ଗୁଜୁରାଟରେ ଜନ୍ମ ଗ୍ରହଣ କରିଥିଲେ । କେମେଷ୍ଟ୍ରିରେ BSC କରିବା ପରେ ସେ ଏକ ସରକାରୀ ଚାକିରୀ ମଧ୍ୟ କରୁଥିଲେ । ଅନେକ ବର୍ଷ ପରେ ତାଙ୍କ ଝିଅ ନିରୁପମା ଙ୍କର ମୃତ୍ୟୁ ପରେ ଘରେ ଡକାଯାଉଥିବା ତାଙ୍କ ଝିଅଙ୍କ ନା’ ନିର୍ମା ନା’ରେ ସର୍ଫର ନା’ ରଖିଲେ ସେ । ଆରମ୍ଭ ଦିନରେ ନିଜ ଅଭିଜ୍ଞତା କାରଣରୁ ସେ ନିଜ ଘର ପଛପଟେ ୱାସିଂ ପାଉଡର ତିଆରି କରିଥିଲେ । ପ୍ରଥମ ୩ବର୍ଷ ସେ ସାଇକଲରେ ଅଫିସ ଯିବା ବେଳେ ଘର ଘର ବୁଲି ସର୍ଫ ବିକୁଥିଲେ । ୧୯୬୯ରେ ଯେତେବେଳେ ଅନ୍ୟ ସର୍ଫ ୧୩ଟଙ୍କାରେ ବିକ୍ରି ହେଉଥିଲା ସେତେବେଳେ କରସନଭାଇ ପଟେଲ ଘରକୁ ଘର ବୁଲି ମାତ୍ର ୩ଟଙ୍କା ୫୦ ପଇସାରେ ସର୍ଫ ବିକ୍ରି କରୁଥିଲେ । ଏମିତି କରିବା ଦ୍ୱାରା ତାଙ୍କର ଅନେକ କଞ୍ଜ୍ୟୁମର ହୋଇଗଲେ ଓ ନିଜ ପ୍ରଡକ୍ଟକୁ ଆହୁରୀ ଭଲ କରିବାକୁ ମଧ୍ୟ ଲାଗିଲେ । ପରେ ୧୯୭୨ରେ ନିଜ ଚାକିରୀ ଛାଡ଼ି ଅହମ୍ମଦାବାଦରେ ନିଜର ଗୋଟିଏ ଛୋଟ ଦୋକାନ ଖୋଲିଲେ ଏହା ପରେ ଲୋକାଲ ଲୋକ ମଧ୍ୟ ଏହି ସର୍ଫକୁ କିଣିବା ଆରମ୍ଭ କରିଦେଲେ । ଗୋଟିଏ ସମୟ ଏମିତି ବି ଆସିଲା କି ଗୁଜୁରାଟରେ ନିର୍ମା ସର୍ଫ ଭଲ ଚାଲୁଥିବା ବେଳେ ଗୁଜୁରାଟ ବାହାରେ ଭଲ ଚାଲିଲା ନାହିଁ । ଅନ୍ୟ କୌଣସି ସର୍ଫ ଆଗରେ ନିର୍ମା ଛିଡ଼ା ବି ହୋଇପାରୁ ନଥିଲା । ଅନେକ ରିଟେଲର କ୍ରେଡିଟରେ ସର୍ଫ ନେଉଥିଲେ ଓ ସେଲ୍ସମ୍ୟାନ ଟଙ୍କା କଲେକ୍ଟ କରିବାକୁ ଗଲା ବେଳେ ତାକୁ ନିରାଶ ହୋଇ ଫେରିବାକୁ ପଡ଼ୁଥିଲା । କିଏ ଟଙ୍କା ଦେଉନଥିଲେ ତ କିଏ ଆର ମାସରେ ଦେବୁ କହୁଥିଲେ । ଏଭଳି ପରିସ୍ଥିତିରେ କରସନଭାଇ ପଟେଲ ହାର ମାନିଲେ ନାହିଁ, ମାର୍କେଟରୁ ସବୁ ନିର୍ମା ପାଉଡର ନେଇ ଆସିଲେ । ସେତେବେଳେ ଲୋକଙ୍କ ଘରକୁ ନୂଆ ନୂଆ ଟିଭି ଆସୁଥିଲା ତେଣୁ ସେ ଗୋଟିଏ ମାସ ତାଙ୍କର ସବୁ ଟଙ୍କା ଖର୍ଚ୍ଚ କରି ବିଜ୍ଞାପନରେ ଲଗେଇଦେଲେ । ଏହି ନିଷ୍ପତି ତାଙ୍କ ପାଇଁ ଭଲ ସାବ୍ୟସ୍ଥ ହେଲା । ଅନେକ ଲୋକ କେବଳ ନିର୍ମାକୁ କିଣିବାକୁ ଚାହୁଁଥିଲେ । ଏହା ପରେ ସେ ପୁଣି ବଜାରରେ ନିର୍ମାକୁ ବିକିବାକୁ ଲାଗିଲେ କିନ୍ତୁ ଏଠି ଗୋଟିଏ ସର୍ତ୍ତ ଲାଗୁ କରିଲେ କି ଏବେ ଉଙଊ ରେ ହିଁ ସବୁବେଳେ ସର୍ଫ ରିଟେଲରଙ୍କୁ ଦିଆଯିବ । ସେତେବେଳେ ତାଙ୍କୁ ଗୋଟିଏ ଭଲ ଏବଂ ବଡ଼ ବିଜନେଓ ମ୍ୟାନଙ୍କ ଲାଇନରେ ରଖାଯାଉଥିଲା । ଆଉ ଆଜିର ସମୟରେ ସେ ନିର୍ଶ୍ଚୟ ଧନି ଶ୍ରେଣୀର ବ୍ୟକ୍ତିଙ୍କ ତାଲିକାରେ ଆସୁଛନ୍ତି । ଆଜିର ସମୟରେ କରସନଭାଇ ପଟେଲଙ୍କ ନେଟ୍ ୱର୍ଥ ୨୮୦ କୋଟି USD ରହିଛି ।

ସଞ୍ଜିବ ବିକଚନ୍ଦାନୀ:

ଆମେ ମାନେ ପ୍ରାୟେ ଶୁଣିଛେ କି ବହୁତ ବଡ଼ ବଡ଼ କମ୍ପାନୀ ସବୁବେଳେ ଛୋଟ ଜାଗାରୁ ହିଁ ଆରମ୍ଭ ହୋଇଥାଏ । ସେହି ସମୟରେ ଅନେକ କଷ୍ଟ ଓ ବିଫଳତାର ସାମ୍ନା କରି ପରବର୍ତ୍ତୀ ସମୟରେ ସଫଳତାର ସିଢ଼ି ଚଢ଼ି ବଡ଼ ଓ ଜଣା ଶୁଣା କମ୍ପାନୀ ହୋଇପାରିଛି ଅନେକ କମ୍ପାନୀ । ତେବେ ଚାକିରୀ କରିବାକୁ ଆଜିର ସମୟରେ ସମସ୍ତଙ୍କର ଇଚ୍ଛା କିନ୍ତୁ କେଉଁଠି ଉପଯୁକ୍ତ ଚାକିରୀ ଟିଏ ପାଇବେ ତାହା ସମସ୍ତଙ୍କୁ ଅଜଣା । ଏଭଳି ଅସୁବିଧାକୁ ସମାଧାନ କରିଛନ୍ତି ସଞ୍ଜିବ ବିକଚନ୍ଦାନୀ, ଯିଏ କି ନିଜର entrepreneurshipe ର ସ୍ୱପ୍ନ ପୁରା କରି ଗୋଟିଏ ଏମିତି କମ୍ପାନୀ ତିଆରି କରିଲେ ଯାହାକି ଅନ୍ୟମାନଙ୍କୁ ଚାକିରୀ ଦବାରେ ବଡ଼ ଭୂମିକା ଗ୍ରହଣ କରିଲା । ଆମେ କହୁଛୁ naukri.com କଥା । ୧୯୬୩ ଦିଲ୍ଲୀରେ ସଞ୍ଜିବ ଜନ୍ମଗ୍ରହଣ କରିଥିଲେ । ପରେ ପରେ ୧୯୮୪ରେ Lintas କମ୍ପାନୀରେ Accounts Executive ଭାବେ କାମ କରିଥିଲେ । ୩ବର୍ଷ ସେଠି କାମ କରିବା ପରେ Hindustan Milf Food Manufactures ରେ ମଧ୍ୟ କାମ କରିଲେ । ପରେ ୧୯୯୦ରେ ସଞ୍ଜିବ ନିଜ ସାଙ୍ଗ ସହ ମିଶି ୨ ଟି କମ୍ପାନୀ ତିଆରି କରିଲେ ଯାହାଥିଲା Indmark ଓ Info Edge । ନିଜ ଘରର ଗୋଟିଏ ବଖରାରେ କାମ କରିବା ସତ୍ୱେ ସେ ନିଜ ପିତାଙ୍କୁ ୮୦୦ଟଙ୍କା ଭଡ଼ା ମଧ୍ୟ ଦେଉଥିଲେ । ପରେ ଏହି କମ୍ପାନୀ ବିଫଳତା ମୁହାଁ ହେଲା । ଏମିତି କି ଗୋଟିଏ ସମୟରେ ତାଙ୍କ ସ୍ତ୍ରୀ ହିଁ ତାଙ୍କ ପରିବାର ଚଳାଉଥିଲେ । ତେଣୁ ସେ ଟ୍ୟୁସନ କରିବା ଆରମ୍ଭ କଲେ, ଯେଉଁଠାରୁ ମାସକୁ ତାଙ୍କୁ ୨ହଜାର ଟଙ୍କା ମିଳୁଥିଲା । ପରେ ଗୋଟିଏ ଏମିତି ବି ସମୟ ଆସିଲା ଯେଉଁଠାରୁ ସଞ୍ଜିବଙ୍କୁ naukri.com କମ୍ପାନୀର ଆଇଡିଆ ଆସିଲା । ସେତେବେଳେ ଦିଲ୍ଲୀରେ IT Asia Exhibition ପଡ଼ିଥିଲା ଯେଉଁଠି ଗୋଟିଏ ଷ୍ଟଲରେ WWW ଲେଖା ହୋଇଥିବା ସଞ୍ଜିବ ଦେଖିଲେ ଓ ତା ବିଷୟରେ ବୁଝିଲେ । ସେ ସମୟରେ ନୂଆ ନୂଆ ଇଣ୍ଟରନେଟ ମାର୍କେଟକୁ ଆସୁଥାଏ ତେଣୁ ସେ ସବୁ ଜାଣିବା ପରେ naukri.comର ଆଇଡିଆ ତାଙ୍କ ମନକୁ ଆସିଥିଲା । ସେହି ସମୟରେ ଚାକିରୀ ପାଇବା ପାଇଁ ଲୋକ ଖବର କାଗଜ ଉପରେ ନିର୍ଭର କରୁଥିଲେ । ତେଣୁ ସଞ୍ଜିବ naukri.comକୁ ନିୟ୍ୟୁଜ୍ ୱେବସାଇଟ୍ ନକରି କେବଳ ଚାକିରୀ ବିଜ୍ଞାପନ ଛାଡ଼ିବାର ନିଷ୍ପତି ନେଲେ, ମାତ୍ର ପୋଗ୍ରାମିଂ ଲାଙ୍ଗୁଏଜ ସେତେବେଳେ ବହୁତ କମ୍ ଲୋକଙ୍କୁ ଆସୁଥିବାରୁ ସେ ଅନେକ ବିଫଳତାର ସାମ୍ନା କରି ମଧ୍ୟ ଆଗକୁ ବଢ଼ିଚାଲିଲେ । ପରେ ୧୯୯୭ରେ ଏହି ୱେବସାଇଟ୍‌କୁ ଲଞ୍ଚ କରାଗଲା । ଯେହେତୁ ସେତେବେଳେ ଇଣ୍ଟରନେଟ ନୂଆ ନୂଆ ଭାରତକୁ ଆସୁଥିଲା ଏବଂ ଏହି ୱେବସାଇଟ୍ ମଧ୍ୟ ନୂଆ ଥିଲା ତେଣୁ ଅନେକ ଲୋକ ଏହା ବିଷୟରେ ଜାଣିବାକୁ ଇଚ୍ଛା ପ୍ରକାଶ କରୁଥିଲେ । ପରେ ଧିରେ ଧିରେ ଏହି କମ୍ପାନୀ ଏତେ ଆଗକୁ ବଢ଼ିଗଲାଣି ଯେ ଭାରତରେ ମାର୍କେଟ ସେୟାର ୭୦% କେବଳ ଏହି କମ୍ପାନୀ ପାଖରେ ହିଁ ଅଛି । ଆଜିର ସମୟରେ ସଞ୍ଜିବ ବିକଚନ୍ଦାନୀଙ୍କ ନେଟ୍ ୱର୍ଥ ୧୯୦ କୋଟି USD ରହିଛି ।

ନମିତ ବଜୋରୀଆ:

ରୋଷେଇ ଘର, ମାଆ ମାନଙ୍କର ପ୍ରିୟ ସ୍ଥାନ କିନ୍ତୁ ଏହି ରୋଷେଇଘରେ ଅନେକ ଅସୁବିଧାର ସାମ୍ନା କରନ୍ତି ଆମ ମା’ ମାନେ । ଏହି ଅସୁବିଧାର ସମାଧାନ କରି ଦେଖାଇଥିଲେ ଜଣେ entrepreneur ନମିତ ବଜୋରୀଆ । ୧୯୭୨ ଏପ୍ରିଲ ୬ ତାରିଖରେ ଗୋଟିଏ ମାରୱାଡ଼ି ପରିବାରରେ ନମିତ ବଜୋରୀଆ ଜନ୍ମ ଗ୍ରହଣ କରିଥିଲେ । ନମିତ ବଜୋରୀଆ ହେଉଛନ୍ତି ଭାରତର ଜଣେ ସଫଳ entrepreneur ଯିଏକି Kutchina Home Makers Pvt Ltdର ଫାଉଣ୍ଡର । ଏହି କମ୍ପାନୀ କରିବା ପୂର୍ବରୁ ସେ entrepreneurial ରାସ୍ତାରେ ବହୁତ ଛୋଟ ଛୋଟ ଷ୍ଟେପ ପକାଇ ଆଗକୁ ବଢ଼ିଛନ୍ତି । ଅଭିଜ୍ଞତା ପାଇଁ Marketing executive ଭାବେ Telecommunication and CA firmରେ କାମ କରିଥିଲେ ସେ । ପରେ ନମିତ ତାଙ୍କ ବାପାଙ୍କଠାରୁ ୧୩୦ ଲକ୍ଷ ଟଙ୍କା ଋଣ ନେଇଥିଲେ ଗୋଟିଏ ଫଟୋଗ୍ରାଫି ଏଜେନ୍ସି କରିବା ପାଇଁ, ଯାହାକି ବେସୀ ଦିନ ଚାଲିଲା ନାହିଁ । ଏହା ପରେ ସେ ଭେତନାମ, ଜାପାନ, ଜର୍ମାନୀ, ଚାଇନା ଠାରୁ ଅଟୋ କ୍ଲିନ୍ ଚିମିନି ଆମଦାନୀ କରିବା ଆରମ୍ଭ କରିଲେ । ୨୦୦୩ରେ ନମିତ ନିଜ ବ୍ୟବସାୟକୁ ଆମଦାନୀ ନକରି ନିଜ ଦେଶରେ ତିଆରୀ କରିବା ଆରମ୍ଭ କରିଲେ । ଭାରତୀୟ ରୋଷେଇ ଘରର ସମସ୍ତ ଅସୁବିଧାକୁ ସମାଧାନ କରିବା ପାଇଁ ଗୋଟିଏ ନିର୍ଦ୍ଧାରିତ ଦେକାନ ଖୋଲିବା ପାଇଁ ସେ Kutchina Home Makers Pvt Ltd କମ୍ପାନୀ ନିର୍ମାଣ କରିଲେ । Kutchina Home Makers Pvt Ltd ରୋଷେଇ ଘରର ସମସ୍ତ ଜିନିଷ ବିକ୍ରି କରିଥାଏ । ଯେମିତି କି ରୋଷେଇ ଘରର ଉପକରଣ, ଚିମିନି, RO, ହବ୍ସ, ଗ୍ରାଇଣ୍ଡର, ଗୋଟିଏ ଛାତ ତଳେ ମଡୁଲାର ରୋଷେଇ ଘର । ଆଜିର ସମୟରେ ନମିତ ବଜୋରୀଆ ୩୦୦ କୋଟି ଟଙ୍କାର ବିଜନେସ କରିପାରିଛନ୍ତି ।