ଫେବୃଆରୀର ୧ମ ସପ୍ତାହରେ ବାହା ହେବେ କି ସିଦ୍ଧାର୍ଥ ଓ କିଆରା!
ବଲିଉଡ୍ ହେଉ କି ଓଲିଉଡ୍ ସବୁବେଳେ ସବୁ କଳାକାର ମାନେ ଲାଇମ୍ ଲାଇଟ୍ ଏବଂ ଦର୍ଶକଙ୍କ ଆପଣାର ହୋଇ ରହିବାକୁ ଚାହାଁନ୍ତି । ସେଥିମଧ୍ୟରୁ ଆଜିକାଲି ବେସ୍ ଚର୍ଚ୍ଚା ସାଉଣ୍ଟୁଛନ୍ତି ବଲିଉଡ୍ର ୨ଜଣ ଅଭିନେତା ଓ ଅଭିନେତ୍ରୀ । ଆମେ କହୁଛୁ ସିଦ୍ଧାର୍ଥ ମଲ୍ହୋତ୍ରା ଓ କିଆରା ଆଡ୍ଭାନୀଙ୍କ କଥା । ଏବେ ଏବେ ଚର୍ଚ୍ଚା ଜୋର ଧରିଛି କି ସିଦ୍ଧାର୍ଥ ଓ କିଆରା କୁଆଡ଼େ ଖୁବ୍ ଶୀର୍ଘ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ।
ଏହି ଖବର ବିଷୟରେ ସମ୍ପୂର୍ଣ୍ଣ ଘଟଣା ଜଣେଇ ଦେବା ପୂର୍ବରୁ ଆମେ ଆପଣଙ୍କୁ ଏଠାରେ କହି ରଖୁ କି ପୂର୍ବରୁ ଚର୍ଚ୍ଚା ଚାଲିଥିଲା କି ସିଦ୍ଧାର୍ଥ ଓ କିଆରା ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ରହିଛି । କିନ୍ତୁ ପରବର୍ତ୍ତୀ ମୁହୁର୍ତ୍ତ ରେ ଏହା ମଧ୍ୟ ଜାଣିବାକୁ ମିଳିଥିଲା କି ଉଭୟଙ୍କ ପ୍ରେମ ସମ୍ପର୍କ ମଧ୍ୟରେ ଫାଠକ ସୃଷ୍ଟି ହୋଇଯାଇଛି । କିନ୍ତୁ ଏବେ ପୁଣି ଥରେ ଉଭୟଙ୍କ ଲଭଷ୍ଟୋରୀ ଆରମ୍ଭ ହେବା ସହ ଉଭୟ ବିବାହ ବନ୍ଧନରେ ବାନ୍ଧି ହେବା ଖବର ଫ୍ୟାନ୍ସ ମାନଙ୍କ ପାଖରେ ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଛି । ଏବେ ଶୁଣିବାକୁ ମିଳୁଛି କି ୨୦୨୩ ଫେବୃଆରୀର ପ୍ରଥମ ସପ୍ତାହରେ ସିଦ୍ଧାର୍ଥ ଓ କିଆରା ବିବାହ କରିପାରନ୍ତି । ସେମାନେ ଜଏସଲମର୍ରେ ବିବାହ କରିପାରନ୍ତି ବୋଲି ମଧ୍ୟ ଗୁଜବ ସୃଷ୍ଟି ହେଉଥିବା ଜଣାପଡ଼ିଛି । ତେବେ ଉଭୟଙ୍କ ପକ୍ଷରୁ ସ୍ପଷ୍ଟ କରାଯାଇ ନଥିଲେ ମଧ୍ୟ ଏବେ ସିଦ୍ଧାର୍ଥ ନିଜ ଇନ୍ଷ୍ଟାଗ୍ରାମ ହ୍ୟାଣ୍ଡେଲରେ କରିଥିବା ଏକ ପୋଷ୍ଟ ଫ୍ୟାନ୍ସ ମାନଙ୍କ ମନରେ ଆହୁରି ଆଶା ଜାଗ୍ରାତ କରିଛି ।
ସିଦ୍ଧାର୍ଥ ନିଜ ଇନ୍ଷ୍ଟାଗ୍ରାମ ହ୍ୟାଣ୍ଡେଲରେ ୨୯ଜାନୁଆରୀରେ ଏକ ପୋଷ୍ଟ କରି, ଫ୍ୟାନ୍ସଙ୍କ ପାଇଁ ସସ୍ପେନ୍ସ ଦେଇ ଲେଖିଛନ୍ତି, “ମତେ ଗୋଟିଏ ବୋଲ୍ଡ ଘୋଷଣା କରିବାର ଅଛି” । ଏନେଇ ସିଦ୍ଧାର୍ଥଙ୍କ ଫ୍ୟାନ୍ସ ଅନେକ ଆକଳନ କରିବାକୁ ଲାଗିଛନ୍ତି କିଏ କହିଛନ୍ତି ବାହା ହୋଇଯାଆନ୍ତୁ କିଆରାଙ୍କ ସହ ତ କିଏ କହିଛନ୍ତି ବାହାଘର? ନା ଏହା ଏକ ସୁଟ୍ ହୋଇଥାଇପାରେ ତ ପୁଣି କିଏ କହିଛନ୍ତି କି ସସ୍ପେନ୍ସ ରଖିବା ତାଙ୍କର ପରମ୍ପରା ।
ଏହା ବ୍ୟତୀତ ସିଦ୍ଧାର୍ଥଙ୍କ କାମ କଥା କହିବାକୁ ଗଲେ, ସିଦ୍ଧାର୍ଥ “ମିଶନ ମଞ୍ଜୁ”ରେ ସାଉଥ୍ ଅଭିନେତ୍ରୀ ରଶ୍ମି ମଣ୍ଡାନାଙ୍କ ସହ ନଜର ଆସିଛନ୍ତି । ଯାହାକି ନେଟ୍ଫ୍ଲିକ୍ସରେ ରିଲିଜ୍ ହୋଇଛି । ଏଥିରେ ତାଙ୍କ ଅଭିନୟ ପାଇଁ ଦର୍ଶକଙ୍କ ପ୍ରସଂଶା ସାଉଣ୍ଟି ପାରିଛନ୍ତି ସିଦ୍ଧାର୍ଥ ।
