NEET ପରୀକ୍ଷା କଣ? ଆଜିର ସମୟରେ କାହିଁକି ଜରୁରୀ ଏହି ପରୀକ୍ଷା
ପ୍ରାୟତଃ ପିଲା ପାଠ ପଢ଼ିବା ସମୟରେ ଭବିଷ୍ୟତକୁ ନେଇ ଚିନ୍ତାରେ ଥାନ୍ତି । କେମିତି ଡାକ୍ତର, ଇଞ୍ଜିନିୟର କିମ୍ବା ସରକାରୀ ଚାକିରି କରିବେ ସେ କଥା ଭାବୁଥାନ୍ତି । ସବୁ ବର୍ଗର ଚାକିରି ପାଇଁ କିଛି ନିର୍ଦ୍ଧିଷ୍ଟ ପରୀକ୍ଷା ମଧ୍ୟ ଦେବାକୁ ପଡ଼େ । ଆଉ ପ୍ରତି ବର୍ଷ ଅନେକ ପିଲା ପରୀକ୍ଷା ଦେଇ ଚାଲନ୍ତି । ହେଲେ ବର୍ତ୍ତମାନ ସମୟରେ ଏମିତି ଏକ ପରୀକ୍ଷା ଅଛି ଯାହାକୁ ପାସ୍ କରିବା ପାଇଁ ସବୁ ପିଲା ମାନେ ଚାହାଁନ୍ତି । ଯଦି ଆପଣ କେବେ NEET ର ନା’ ଶୁଣିଛନ୍ତି ଏବଂ ଆପଣ ଜାଣି ନାହାଁନ୍ତି କି ଏହାର ଅର୍ଥ କଣ? ଆଜି ଆମେ ସେହି ବିଷୟରେ ହିଁ ଜାଣିବା ।
()କେଉଁ ପାଠ ପଢ଼ିଲେ କ୍ୟାରିୟର ପାଇଁ ଭଲ ରହିବ । ଯିଏ ଇଞ୍ଜିନିୟର ହେବାକୁ ଚାହାଁନ୍ତି ସେମାନେ BTech ପଢ଼ିଥାନ୍ତି । ସେହିଭଳି ଯେଉଁମାନେ ଡାକ୍ତର ହେବାକୁ ଚାହାଁନ୍ତି ସେମାନଙ୍କ ପାଇଁ NEET ଏକ ଗୁରୁତ୍ୱପୂର୍ଣ୍ଣ ପରୀକ୍ଷା । ଯାହାକୁ ପାସ୍ କରିବା ପରେ ହିଁ ଜଣେ ଛାତ୍ର କୌଣସି ବି ଭଲ ସରକାରୀ କଲେଜରେ ନାମ ଲେଖାଇ MBBS କିମ୍ବା BDS କିମ୍ବା ପାଠ ପଢ଼ିପାରିବ । ମାତ୍ର ଆଜି କାଲିକା ସମୟରେ ମେଡିକାଲ ଫିଲ୍ଡରେ ଏମିତି ଅନେକ କୋର୍ସ ଅଛି ଯେଉଁଥିରେ NEET ପରୀକ୍ଷା ବାଧ୍ୟତା ମୂଳକ ହୋଇଥାଏ ।
NEET ପରୀକ୍ଷା କଣ?:
NEET ଏକ ରାଷ୍ଟ୍ରୀୟ ପରୀକ୍ଷା ହୋଇଥାଏ । ଯାହାକୁ NTA (National Testing Agency) ଦ୍ୱାରା ଆୟୋଜନ କରାଯାଏ । ପରୀକ୍ଷାର ମୁଖ୍ୟ ଉଦ୍ଦେଶ୍ୟ ହୋଇଥାଏ କେମିତି ମେଡିକାଲ କୋର୍ସ ରେ ଛାତ୍ରଛାତ୍ରୀଙ୍କୁ ପ୍ରବେଶ ମିଳିବ । ସେହିଭଳି ଯଦି ଆପଣ MBBS (Bachlor of Medicine Bachlor of Surgery) କିମ୍ବା BDS (Bachlor of Dental) ଏଥିପାଇଁ ଆପଣଙ୍କୁ ପ୍ରଥମେ NEET ପରୀକ୍ଷାରେ ପାସ୍ ହେବାକୁ ପଡ଼ିବ । ୨୦୧୬ ମସିହାରୁ AIPMT (All India Pre Medical Test) ଏହି ନାମରେ ମନ୍ୟତା ପାଇଥିଲା । ମାତ୍ର ଏବେ AIPMT ରୁ ବଦଳେଇ NEET କରିଦିଆଯାଇଛି । ଯଦି ଆପଣଙ୍କୁ ମେଡିକାଲ ଲାଇନ୍ରେ କ୍ୟାରିୟର ଗଢ଼ିବାର ଅଛି, ତେବେ ଆପଣ +୨ ପାସ୍ କଲା ପରେ ଏହି ପରୀକ୍ଷା ଦେଇପାରିବେ।
କେତେ ବର୍ଷର କୋର୍ସ ଓ କେତେ ଥର ହୋଇଥାଏ NEET ପରୀକ୍ଷା?:
ପ୍ରାୟେ ଛାତ୍ରଛାତ୍ରୀଙ୍କ ମନରେ ଗୋଟିଏ ପ୍ରଶ୍ନ ଥାଏ କି NEET ର କୋର୍ସ କେତେ ବର୍ଷର ହୋଇଥାଏ? ତେବେ ଏଠି ଆମେ କହି ରଖୁ କି NEET କୌଣସି କୋର୍ସ ନୁହେଁ ବରଂ ଏହା ଏକ ପରୀକ୍ଷା ହୋଇଥାଏ । ଯାହାକୁ ଆପଣ ପାସ୍ କଲା ପରେ ହିଁ ମେଡିକାଲ କ୍ଷେତ୍ରରେ ଯାଇପାରିବେ । ଏହା ବ୍ୟତୀତ NEET ପରୀକ୍ଷା ବର୍ଷକୁ ଥରେ ହିଁ ହୋଇଥାଏ, ଯେତେବେଳେ ଆପଣ ଏହି ପରୀକ୍ଷାରେ ପାସ୍ ହୋଇଯିବେ ସେତେବେଳେ ହିଁ ଆପଣ ଗୋଟିଏ ଭଲ ସରକାରୀ କିମ୍ବା ବେସରକାରୀ ମେଡିକାଲ୍ କଲେଜରେ ଆଡ୍ମିସନ୍ କରିପାରିବେ । ଯେଉଁମାନେ କମ୍ ନମ୍ବର ରଖି ଫେଲ୍ ହୋଇଥିବେ ସେମାନେ ପୁଣି ଥରେ ଫର୍ମ ଫିଲପ୍ କରି ପରୀକ୍ଷା ଦେଇ ପାରିବେ ।
ବୟସ ଓ ଯୋଗ୍ୟତା କଣ ରହିବା ଦରକାର NEET ପରୀକ୍ଷା ପାଇଁ?:
NEET ପରୀକ୍ଷା ପାଇଁ କୌଣସି ବୟସ ସୀମା ନଥାଏ । ଆପଣ +୨ ପଢ଼ିସାରିଲା ପରେ ଏହି ପରୀକ୍ଷା ଦେଇପାରିବେ । ଏହି ପରୀକ୍ଷା ଦେବା ପାଇଁ ଆପଣଙ୍କୁ ୧୦ମ ଓ +୨ରେ କମ୍ ସେ କମ୍ ୫୦% ରଖିକି ପାସ୍ ହେବାକୁ ପଡ଼େ । ଏହା ପରେ ହିଁ ଆପଣ ଏହି ପରୀକ୍ଷା ଦେବା ପାଇଁ ଯୋଗ୍ୟ ହୋଇପାରିବେ । ଏହା ବ୍ୟତୀତ +୨ରେ ଆପଣ କେମେଷ୍ଟ୍ରି, ଫିଜିକ୍ସ, ବାୟୋଲୋଜି, ଇଂରାଜୀ ବିଷୟ ରଖି ପଢ଼ିବାକୁ ହୋଇଥାଏ ।
NEET ପରୀକ୍ଷା ଦେବାର ଲାଭ?:
• ମେଡିକାଲ କୋର୍ସ କରିବାକୁ ହେଲେ ଆପଣଙ୍କୁ କେବଳ NEET ପରୀକ୍ଷାରେ ପାସ୍ କରିବାକୁ ପଡ଼ିଥାଏ ।
• ପୂର୍ବରୁ ମେଡିକାଲ କଲେଜରେ ପଢ଼ିବା ପାଇଁ ଅନେକ ପ୍ରକାରର ପରୀକ୍ଷା ଦେବାକୁ ପଡ଼ୁଥିଲା ।
• ଯଦି ଛାତ୍ରଛାତ୍ରୀ ଗ୍ରାଜୁଏସନ କରିବାକୁ ଚାହୁଁଛନ୍ତି ମେଡିକାଲ କଲେଜରେ ତେବେ ସେମାନଙ୍କୁ କେବଳ NEET ପରୀକ୍ଷା ହିଁ ଦେବାକୁ ପଡ଼ିଥାଏ ।
• ପୂର୍ବରୁ ବିଭିନ୍ନ ପ୍ରକାରର ପରୀକ୍ଷା ପାଇଁ ଛାତ୍ରଛାତ୍ରୀଙ୍କୁ ପାଠ ପଢ଼ିବାକୁ ପଡ଼ୁଥିଲା । ମାତ୍ର ଏବେ ପିଲାଙ୍କୁ ଗୋଟିଏ ପରୀକ୍ଷା କେବଳ NEET ପାଇଁ ପଢ଼ିବାକୁ ହେଉଛି ।
ଏହିଭଳି ଏଜୁକେସନ ସମ୍ବନ୍ଧିତ ଖବର ଜାଣିବା ପାଇଁ ଆମେ ୱେବସାଇଟ୍ ଓଡ଼ିଆ ଡ଼େଲିରେ ଆପଣ ଯୋଡ଼ି ହୋଇପାରିବେ ।
